Tuuina mai e le Faamasinoga Mafuaaga na Teena ai le Tatala i Tua o Samuelu

0
1465

Ua tuuina mai le faaiuga a le Faamasinoga Faaitumalo e teena ai le talosaga a Samuelu Su’a poo Leautuli poo Fauega (Sam) ma lona faletua ia Sivai Kepu.

O le aso ananafi na toe tula’i ai le alii o Sam ma lona faletua, lea o loo molia i le tuuina atu o faamatalaga le sa’o ua taitaiina seseina ai se mataupu o loo suesueina e leoleo.

Check out these Leap Year Specials at SSAB

Ua teena e le Faamasino Sinia o le Faamasinoga Faaitumalo, le afioga iā Talasa Atoa Sa’aga, le talosaga a Samuelu na tauala atu i lana loia ia Fetu Lagaaia, mo se avanoa e tatala ai i tua i laua ma lona toalua, ao tālia le faagasologa o lenei mataupu.

I le tolaulauina o le Faamasinoga i le Aso Lua 27 Fepuari, na faailoa ai e le Faamasino iā Talasa Atoa-Saaga mafuaaga o lenei faaiuga..

1) O Samuelu, ua tele moliaga faasaga ia te ia ua faamaonia ma nofo sala ai i le falepuipui, talu mai lava le tausaga 2006.

2) I faamaumauga a leoleo, e iai taimi sa sola ese ai Samuelu ao i lalo o le vaavaaiga a leoleo. O le mataupu fo’i lenei, e tele masina na tau saili ai Sam e leoleo ina ua maea ona fai mai ni ana faamatalaga faalauaitele (live broadcasts) i luga o upega tafa’ilagi.

3) Saunoa fo’i le Faamasino Sinia, e oo atu lava i le taimi ua tuuina mai ai le faaiuga, e le’i taulimaina lava e le Faamasinoga le lipoti fa’ata (CT scan) lea e faalagolago iai le talosaga a le alii loia, e tatala ai i tua Sam.

4) Ua tuuina atu mau a le Itu a Leoleo, e faapea ua taumafai Sam e faatosina ma faalavelave i se tasi o molimau autu a leoleo (witness tampering), ina ua ia fesootai atu i le tina o le molimau e suafa ia Tupuola Tanu Wright.

O le taeao o le Aso Lua na faatumulia ai le Fale Faamasino i Mulinuu ina ua toe valaau lenei mataupu, ona sa valaau faatasi Sam ma lona toalua, ma nisi e toatolu o loo molia faatasi.

O le Alii Sui Faipule lea sa fai ma Minisita Lagolago o Leoleo iā Fepuleai Fa’asavalu Su’a, o le tamaitai ia Lise Schmidt, ma se alii leoleo iā Inspector Li’o Faataumalama Auava.

L-R: Fepuleai Fa’asavalu Su’a, Lise Schmidt, Inspector Li’o Faataumalama Auava.

O le faamautu mai o moliaga, sa faailoa ai e le tamaitai loia iā Taimalelagi Leinafo Strickland o loo tula’i mo leoleo, e 104 moliaga e faasaga ia Samuelu Leautuli poo Fauega, ae 59 moliaga e faasaga ia Sivai Kepi, le toalua o Sam.

O nei moliaga e aofia ai le faia lea o ni faamatalaga sese, o le tuuina atu i leoleo o faamatalaga e aveseaeina ai se suesuega, o le faia o upu faalumaluma ma le faia o faamatalaga e lepeti ai le nofo lelei o tagata.

E 18 moliaga e faasaga i le Sui Faipule o Salega 1 le afioga iā Fepuleai Faimata Su’a.

O ia moliaga e aofia ai le faia o ni faamaumauga sese, ma le taumafai lea e faatupu ni tala lē sa’o, e taitaiina sese ai se mataupu poo suesuega a leoleo.

(Conspiracy to defeat the cause of justice, fabrication of information, misleading information to the police, insulting words, harassment and conspiracy to commit an offence)

E 9 moliaga o loo molia ai le tamaitai o Lise Marie Schmidt lea sa maua faatasi atu ma le alii o Sam ma lona toalua.

O na moliaga e aofia ai le faalafi lea o se tasi o loo tau saili e leoleo, ma le faia lea o tala sese ua aafia ai suesuega a leoleo.

Ae mo le Alii Leoleo Satini Asiasi, Inspector Li’o Faataumalama Auvaa, e 4 moliaga a le itu a leoleo o loo molia ai.

I taualumaga o le Faamasinoga sa teena ai fo’i se talosaga a Fepuleai Faimata Su’a na tauala atu i lana loia ia Tanya Toailoa, ina ia taofia lana saini ona o loo tele feau ma galuega a le itumalo o loo fealuai ai auā le  faatinoga o ona tiute faapalemene.

Peitai na tetee malosi iai le loia a le itu a leoleo ia Taimalelagi Strickland, ma faapea atu i le Faamasinoga, e le tatau ona ese aiaiga o le tatala i tua o le Faipule, ma aiaiga o isi o loo latou molia faatasi.

Samoa is the Home of Taula.

Sa tuuina mai lava i lena taimi le faaiuga a le Faamasinoga ma saunoa ai Judge Atoa, e faatumau pea aiaiga e saini faalua i le vaiaso le Sui Faipule.

Ae afai e afio i Savaii, e mafai ona saini i se ofisa leoleo o Savaii lata ane. Afai foi e afio mai i Upolu nei, ona saini lea i le ofisa leoleo i Apia.

Ua faatulaga e le Faamasinoga le lua vaiaso mai le Aso 20 Mati agai le Aso 31 Mati – e suesueina ai mau o lenei mataupu.

Available at SOS Togafuafua or Salelologa

Mo Samuelu, Sivai ma Lise o loo tulai ai le alii loia ia Fetu Lagaaia, ae mo le Sui Faipule o Salega 1, o loo tulai ai le tamaitai loia ia Tanya Toailoa. O le tamaitai loia ia Muriel Lui o loo tulai mo le Sui Faipule.

I fafo mai o le potu faamasino na faatumulia ai le tapuaiga a le vaega faaupufai o le FAST, ma sa tuuina mai ai se saunoaga a le alii Faipule i lona itumalo ma aiga.

“Ia fifilemu aua nei iai se mea e gāsē. Ou te le manao e fai le mea lena tou te mananao ai..”

Faasalalauga Tāua 

Avanoa Faigaluega