Ua taunuu i luma o le faamasinoga se talosaga a le afioga ia Faaolatane Fiu Iona Paō, o se tasi o sui sa tauva i le faigapalota mo le itumalo o Palaauli 2, mo se avanoa e toe faitauina ai palota.
E mae’a le faitauga aloaia o palota, e tasi lava le palota na vā ai Faaolatane Fiu Iona, ma lē sa manumalo i le nofoa o le itumalo, le tofā iā Fiu Faaolatane Ponifasio Vasa.
Ae o le vaiaso nei ua faamaonia mai ai e se tasi o resitala o le faamasinoga maualuga, le faaulu atu o se talosaga a le afioga ia Faaolatane Fiu Iona, e ala atu lea i lana loia ia Namulauulu George Latu.
O le mau ma tuuaiga a le itu tagi, e le’i manino le faitauga o palota muamua poo pre-polling votes. O loo iai fo’i se mau e faapea, ua lē mulimulita’i le faituina o palota i le tulafono o faigapalota.
Ae i se tali mai a le Komesina o Faigapalota le afioga ia Tuiafelolo Toleafoa John Stanley, o loo ia teena ai tuuaiga ua faailoa e Faaolatane Fiu, e pei ona tuuina atu i lana talosaga ua i luma nei o le faamasinoga.
Saunoa Tuiafelolo, “E leai se mea na faaletonu i le faitauina o palota a le itumalo o Palauli 2, ma e teena ia tuuaiga.”
O le maea o le faitauga aloaia o le faigapalota, na maua ai e Fiu Faaolatane Ponifasio Vasa palota e 632 ae mo Faaolatane Fiu Tuala Iona Paō e 631 ana palota na maua.
O tulaga masani lava o faitauga o palota e felāta’i faapea, ae maise ua na o le tasi le palota e va ai, o le toe faia lea o se faitauga lona tolu i luma o le Faamasinoga.
O nei sui tauva e toalua, sa la tamomoe uma i lalo o le faamalu o le vaega faaupufai, le Faatuatua i Le Atua Samoa ua Tasi.
O le itumalo foi lea sa tauva mai ai le Sui Taitai o le FAST, le afioga ia Leota Laki Sio Lamositele, na se’ei i le nofoa le itumalo i le paeaiga ua mavae atu nei, peitai, ua le toe filifilia mai s le itumalo e ala i le faigapalota Ina ua malolo le faigapalota le aso 29 o Aukuso.
O Fiu Faaolatane Ponifasio Vasa lea ua manumalo mai i Palauli 2, sa galue o se faauluuluga o le ofisa e faatino ai pepa fanau.
O loo talia nei se faaiuga a le faamasinoga pe talia le talosaga a Faaolatane Fiu, mo se avanoa e toe faitauina ai le faaiuga a le palota mo Palauli 2.
Vehicles for Tender
Public Auction
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
