“E le faigofie, e talia gatā le aveese atu o le pepe a lenei aiga”

"E matua faigata tele ma talia gatā lenei ipu vai oona, ona o Crystal o le uii, o le pepe a lenei aiga."

0
14275

E le faigofie, e talia gata le aveese atu o le pepe lenei aiga (uii)

O lagona mafatia lea a le tina ia Faafualoa Afaese Fatu, 53 tausaga mai Vaitele Uta, i le maliu ai o si ana tama teine 13 tausaga i totonu o le aoga Kolisi Maualuga o Levaula poo le Wesley College.

Leap Year Specials at SSAB!

O Crystal o le uii lea i le fanau e toavalu. O lona tausaga muamua lea i le Kolisi, lea na faatoa a’e ai i le Year 9 i le tausaga nei.

Sa faasoa mai le tinā ia Faafualoa i le faigata tele o lenā aso na tupu ai le faalavelave i si ana tama.

Saunoa le tina, na logoina atu o ia i le faalavelave o loo i le aoga i Faleasiu, e pei ona faiaoga ai.

Pau le tala a lana tama teine matua lea e Year 13 i Uesele, o si ana tama o Crystal, o le a ave i le falema’i na sulu i le aoga.

Available now at SOS Togafuafua and Salelologa.

Sa manatu lava e le o iai se tulaga ogaoga o loo aafia ai lana tama. Peitai, ina ua iloa mulimuli ane, o Crystal sa sulu ina ua tamomoe atu i le aoga i lena taeao.

Sa maua atu e lona uso matua na mulimuli atu ia Crystal, o loo fao mai o ia i luga o le sima, ae o loo fafa pea lana ato aoga i lona patua. O ona lima foi o loo i totonu o taga o lona ofu.

Saunoa le tinā ia Faafualoa, na te lagonaina lava, o lana tama na maliu lava i totonu o le lotoā a le aoga ae le’i aveina i le falemai.

Samoa is the Home of Taula.

“E matua faigata tele ma talia gatā lenei ipu vai oona, ona o Crystal o le uii, o le pepe a lenei aiga.”

E tupu le faalavelave i le Aso Faraile o loo i nuu mamao le tamā o le aiga i Niu Sila, ma na toe taliu faatopetope mai ai o ia i Samoa nei i le Aso Sa.

Faasoa mai le tinā, e le’i faigofie i le tamā ia Afaese le taunuu mai i Samoa nei ma malaga sao atu i le falemaliu o loo taoto ai si ona afafine.

O le pō o le Aso Tofi ao lumanai ai le Aso Faraile na tupu ai le faalavelave, na taua e le tina o Faafualoa, e te’a le sefulutasi i le po o loo vilivili e Crystal ona uso o loo nonofo i Leauvaa, o Tutuila, faapea lona tuagane o loo galue faatalai. Ma le lilo i manatu, o lana toe talanoa lea i ona uso ma lona tuagane.

O le taeao na sosoo ai lea na usu ai loa i laua ma Merita i le aoga e pei ona masani ai. Sa faamatala e Merita, na momoe Crystal e tuli le taimi ua amata le aoga, ae sulu ai o ia i le simā.

“Na ‘ou maua atu lo’u uso o taoto mai o loo tuu ona lima i totonu o le taga o le ofu aoga ao loo fafa pea lana ato, ae ua le lagona sana mānava.”

E le mafai ona faagalo i le tina ia Faafualoa ma le tama ia Afaese uiga o si a la pepe, o le ioimata o ona tuagane ae o le pele foi i ona uso matutua.

O le Aso Faraile nei, Aso muamua o Mati o le a ave ai i tua lona tino maliu I lona aiga e mapu ai, ae o le Aso Toanai Aso 2 Mati o le a fai ai ona toe sauniga i lona aiga i Vaitele Uta.


Book Here for Tivoli Aparthotel

Avanoa Faigaluega

Faasilasilaga Tāua
Email: christabelle@samoabusinesshub.ws