Suaina e Masini le Faatusa o le Tinā Paia sa i autafa o le Malumalu Katoliko i Leauvaa-Uta

"Sa iai lava le manatu e tuu mai se avanoa ma talanoa mai i le Ekalesia e o atu e aveese faalelei. Ae peitai, ou te leiloa faamatala lea ituaiga faiga sa sui ai i lalo le faatusa o le Tina Paia.."

0
8822

Ua faaali le agaga faanoanoa a le Susuga i le Tiakono o le Ekalesia Katoliko i Leauvaa-Uta ina ua sua i lalo e masini le faatusa o le Tina Paia o Maria sa tu i luma o le falesa.

O loo faasolo pea le galuega a Afega e pei ona taitaia e le afioga i le Faipule ia Maulolo Tavita Amosa, ma faatinoina e masini a se matai faipisinisi o Afega ia Ututagaloa Charlie Ulia, e sua fanua ua faamaonia e le Faamasinoga o Fanua ma Suafa, e pulea e Alii ma Faipule o Afega i lalo o le faamalumaluga a Fata ma Maulolo.

Ae peitai, ua faaali le agaaga faanoanoa a lē o loo tausia le Ekalesia Katoliko i Leauvaa-Uta, le susuga ia Efaraima Auala, ina ua aafia le faatusa o le Tina Paia i le suaina o fanua.

O le Aso Lua o le vaiaso talu ai, ao lumanai le faamanatuina o le Kerisimasi sa molimauina ai e Efaraima le oo atu o le galuega i luma tonu o le latou malumalu.

Deacon Efaraima Auala of Leauvaa-Uta Catholic Church.

“O le tu ma le aga faa Ekalesia Katoliko, e pei o le fatusa lea o le tina paia o Maria, ae ua lagona lava le faanoanoa ona o le faaleagaina o le faatusa o le tina paia..”

Na saunoa Efaraima, o ia na savali ese, ua le mafai ona ia vaavaai atu i le gaioiga sa faatino.

“Sa iai lava le manatu e tuu mai se avanoa ma talanoa mai i le Ekalesia e o atu e aveese faalelei. Ae peitai, ou te leiloa faamatala lea ituaiga faiga sa sui ai i lalo le faatusa o le Tina Paia..”

O loimata maligi na faamatala ai e le Susuga i le Tausi Ekalesia le tulaga sa oo iai lena aso.

“O le Tina Paia, e mai lava i le fanau mai o Iesu sia oo lava i le koluse na maliu ai Iesu, sa taumulimuli lava le Tina Paia.”

Ae manatu le Tiakono, sa iai faailoilo i lea aso, ina ua maea ona sua i lalo le faatusa.

Fugalaau ia ua maua nei i le SOS: Togafuafua ma Salelologa.

O le molimau a le tiakono, “Na vaaia le asu o le masini, ona tu lea o le masini ma foliga mai ua leaga.”

“E ui ina sa lagi lelei lena taimi, ae sa vaaia le pa o le faititili ma emo le uila agai mai se laina eletise lata ane.”

“O faailoilo ia e faailoa mai ai le taua tele o le Tina o Maria i fanagalo ma loto o tagata Ekalesia Katoliko, ona o Maria o le Tina e tali tiga. E tali foi i taimi o puapuaga.”

Check these out at Le Well!

O le Aso 22 o Tesema na toe tuuina mai ai se faaiuga a le Faamasinoga o Fanua ma Suafa, e tusa ma se talosaga a Leauvaa, pe mafai ona taofia pe faagesegese le faatinoga o le galuega a Afega, seia maea faamasinoga ma se latou talosaga apili.

I le finagalo o le Peresetene i lea aso, le Afioga ia Lesatele Rapi Vaai, e leai se malosiaga a le Faamasinoga e mafai ai ona tuuina mai se faatonuga e taofi ai le galuega, ona o loo taoto faaiuga o le 1952 ma le 1963.

O fanua nei e pulea e Alii ma Faipule o Afega i lalo o le faamalumaluga a Fata ma Maulolo.

Sa saunoa le Peresitene, o le talosaga e faatelegese le galuega o loo faagaioi nei e Afega, o le pito laau lena e mafai ona soalaupule i le va o Alii ma Faipule o Leauvaa, ma Alii ma Faipule o Afega.

Peitai, e tumau pea le finagalo o Maulolo Tavita Amosa e pei ona tuuina mai i le vasega o Tusitala, ua uma le taimi e tuu avanoa ai. O loo tuuina mai le mau a Afega i se tala tusia ua mafai ona lolomi atu mo le silafia a le atunuu.

O le 723 eka o loo tā’ua e pei ona silafia e Samoa, sa foai mo Leauvaa ina ua latou sosola mai le mu tele o Mauga o Matavanu i le 1905—1911 (eruption of Mt Matavanu).

O Tuanai, Saleimoa ma Leauvaa-Uta lea e aafia uma i fanua o loo tā’ua i le Faamasinoga Apili o le 1963.

Peitai, o le molimau a le tiakono ia Efaraima Auala, ua telē se aafiaga o faatoaga o aiga sa tua iai.

“O toga koko, fa’i, talo, o togalaau aina e pei o kukama, kapisi, maukegi ma tamato,  ae maise toga tapaa ma pinati sa tua iai nisi o aiga mo tupe maua.. Ua faaleagaina uma.”

“Ua le gata o luma o maota ma laoa ae ua faapena foi se vaaiga i tua atu o fale o sui o le afioaga o Leauvaa-Uta. Ua sua uma, ua le mafai ona toe faia lava se isi mea pe mafai ona toe galueina foi se faatoaga e tua iai.”

O le suaina o fanua o loo faatino nei, e na o tino lava o maota ma laoa o aiga o loo tutu, ma le faamoemoe, e tuu avanoa e tapena ese ai.

Ae o fanua uma o loo suaina i tafatafa ane o fale, tuugamau, faapea ma malumalu tapuai, ua i lalo uma e faailoa atu ai, ua uma le taimi sa tuuina atu e Afega mo ē o loo nonofo ai i nei fanua.

O se galuega sa faatino i le hall a le Ekalesia Katoliko i Leauvaa-Uta, ua le mafai ona toe faaauauina lona fausia.

Ina ua tapa se finagalo mai le afioga i le Faipule ia Maulolo Tavita Amosa, sa ia tuuina mai ai se tali tusitusia a le nuu o Afega.

“Faitau lelei i le tali tusitusia lena, ma e leai lava se isi faamatalaga e toe tuuina atu. Ua uma le taimi sa tuu avanoa ai Afega i e o loo nofoia fanua nei…”

I lea tali tusitisia o loo sainia e Maulolo Tavita Amosa, Ututaaloga Charlie Ulia ma le Pulenuu ia Fata Roketi, o loo faatā’ua ai le faaiuga o le Faamasinoga o le LC 2253 i le tausaga 1963, e pulea e Afega eleele uma i tua atu o le 723 eka lea sa foai.

E pei ona tusia i le tali a Afega: “Lau afioga ua faalua (2) nei ona faamaonia ma faamamaluina e le Faamasinoga le Talosaga LC 2253, 1963 lea ua faataatia mai ai le PULE a Afega i eleele uma i TUA o le 723 eka. O lona uiga, ua matua mausali lenei faaiuga faaletulafono.”

Public Notices: New Years Closing Times

Special Occasion Supplies

Coffee Roaster

Your favorite Café in town are on a break, and will be back on Wednesday 3rd January 2024.

UTOS