“Ua Silia ma le 70 Tausaga Talu ona ave Faaiuga Faa-le-tulafono ia Leauvaa e Tula’i Ese”

:Afai ua teena e Leauvaa le taumafai atu o Afega (2011) e soalaupule i le avafatafata ma le va fealoa'i lenei mataupu i aiga o loo nofia eleele i TUA o le 723 eka, toe teena faaiuga e tele a le Faamasinoga, o le fesili: O le a la le isi laasaga?"

0
7366

Ua tele le mau lipoti ma tala feaveaai i luga o upega tafa’ilagi faapea nusipepa i le mataupu a Afega ma Levi Saliemoa, Tuanai ma Leauvaa-Uta.

Sa valaaulia foi le vasega tusitala e faasalalau finagalo o Alii ma Faipule Levi Saleimoa i se latou mau o loo tapena se latou talosaga apili. Sa teena e le Faamasinoga le talosaga a Levi e taofia ai le galuega a Afega o loo faasolo. Ua maea foi ona tuuina mai le faaiuga o le Faamasinoga ma Tuanai. Ua faailoa mai foi ma lipotia le faanoanoa o le tiakono Katoliko i le suaina o le faatusa o le Tina Paia.

Ina ua fesiligia se finagalo o Maulolo Tavita Amosa e uiga i le faatulai ese o aiga e 18 o loo nofoia Leauvaa-Uta, sa ia tuuina mai ai se kopi o le Tala Tusia a Afega i le mataupu pito lata mai, lea sa lauina i le Aso 21 Tesema. O loo lolomi atu i lalo nei:


TALI ATU a Alii & Faipule o AFEGA i le TALOSAGA a LEAUVAA:
Tauaofiaga Faapitoa:
21 Tesema, 2023

Talosaga a Leauvaa: Ia Taofia galuega a Afega o loo faia i TUA ole 723 eka.

Lau afioga,

I le ava tele ma le migao o le a taumafai atu ai Alii & Faipule o Afega e faasoa atu se lagona vaivai e tusa ma le Talosaga a Leauvaa.

O lea otooto atu sina faamatalaga i fanua o loo i TUA ole 723 eka lea o loo fai ai nei galuega a Afega.

(O se vaega lenei o le Tala Tusia o Afega i le LC 9480 P1-P14, 2013 i le va o Afega, Tuanai ma Leauvaa, i le toe faamautuina o le Pule a Fata & Maulolo/Afega i Eleele Uma i TUA ole 723 eka).

1896, 10 Mati: Compromise Agreement na sainia i le va o le Kamupani Siamani o le D.H & P.G (Rich Hetherington Carruthers) ma le Malo o Siamani (E.W Gurr) ma Fata ma Maulolo ae molimauina e J.H Denvers (sui o le ofisa o Faamasinoga).

I lea Maliega, na toe foi mai ai ia Fata ma Maulolo (Afega) pe tusa ma le 3,000 eka e aofia ai ma le fanua o Manono (170 eka). Ua ta’ua Manono, ona o le fanua tonu lea na tau iai le tuaoi o Afega ma Levi tusa ma le Faaiuga i le Aso 15 Setema 2023, LC 1264 P1. O Manono, o le isi lea fanua/parcel o loo taoto i le tuaoi o le Faatafafa a Fata ma Maulolo i le itu i Sisifo. O le tele o ia fanua na toe maua mai e Afega e ala i le Compromise Agreement, 1896 lea o loo nofoia nei e Leauvaa ma Levi, i TUA o le 723 eka.

O se vaaiga i le galuega tele sa faatinoina i le suaina o le auala galue a Afega. Sa auai atu ai alii ma tamaitai Malu o le Malo mo le silia ma le 3 vaiaso.

1911: (Setema-Tesema) na faasalalau ai le Pulefaamau a Fata & Maulolo i le 723 eka lea ua nofoia nei e Leauvaa. Leai se tasi na faalavelave i lea pulefaamau ma faamatuu atu loa e Afega le 723 eka mo Lealatele (Leauvaa) na sosola mai le afi i le 1908.

E na o le 100 eka na talosaga mai ai Dr Solf, Kovana o Siamani i Afega, ae uma ane ona fua i le taimi o Niu Sila (1938-1943), ua 723 eka.

Check these out at Le Well

1933: Amata ona vevesi Tuanai ma Leauvaa ina ua sopo faatoaga a Leauvaa i TUA o le 723 eka. O Misi Palaika, Pule o Mataupu Tau Samoa na faafoea lea vevesiga.

Faaiuga: faatonu Leauvaa e tulai ese ma aveese latou faatoaga mai TUA o le 723 eka. E lei usitaia e Leauvaa.

1934: Misi Maika na faafoea le isi foi vevesi i le va o Leauvaa, Tuanai ma Afega. Faaiuga lava e tasi – faatulai ese tagata Leauvaa mai TUA o le 723 eka. E lei usitaia e Leauvaa.

1946: Misi Talatonu na faafoea foi le vesiga i le va o Tuanai ma Leauvaa. Faaiuga lava e tasi – peitai e le usitaia lava e Leauvaa.

1952, LC 1195: Ua oo loa lenei mataupu i le faamasinoga. Faamasinoga Afega ma Tuanai vs Leauvaa ona o tagata o loo nonofo i TUA o le 723 eka (lea e aofia ai ma Aiga e 18).

Maua nei i le SOS Togafuafua ma Salelologa.

Faaiuga: Fitu tausaga na tuuina mo tagata Leauvaa i TUA o le 723 eka e tula’iese ai. E le’i usitaia lava.

1961, LC 1927: Toe tagofia foi e le Faamasinoga le mataupu lava lenei e tasi. Toe faatonu foi e le Faamasinoga tagata lava nei e tasi (mai le 1952) e tulai ese. Lea e iai nei le 18 Aiga o Leauvaa.

1963, LC 2253, 01 Me: Faamautuina ai loa faaletulafono le PULE a Afega i eleele uma i TUA o le 723 eka ma le TUAOI o Afega ma Levi, Saleimoa.

Lau afioga, poo a uma nei faamaumauga ua faasalalauina e Leauvaa i luga o le media i Samoa nei fai mai o faamaumauga i taimi o Siamani, sa i luma uma o le Komisi Suesue (Samoa Land Commission) o le 1893-1896 lea na sainia ai loa le Compromise Agreement, 10 Mati ile 1896.

Lynn’s Getaway Hotel Call: +685.20272 or visit our website: www.lynnsgetaway.com

Ua faaigoaina o le Compromise Agreement, ona o le isi vaega tele o eleele o le Faatafafa a Fata & Maulolo na ave ma le Kamupani Siamani, o le D.H & P.G (Rich Hetherington Carruthers) ao le isi vaega (lea i TUA ole 723 eka) na toe foi mai ia Fata ma Maulolo.

Lau afioga, o nei foi faamaumauga uma, lea foi na i luma o le faamasinoga 1963 ina ua sailia le Pule o Eleele UMA i TUA o le 723 eka, ma le TUAOI o Afega ma Levi. Pinefaamau: Tagai foi i le TUAOI o Afega ma Levi tusa ma le faaiuga o le 1963, lea na faatoa fuaina ma faamaonia i le Aso 15 Setema, 2023 – e tau tonu lava i fanua tau papalagi lea e tuaoi ma Manono (170 eka – lea na toe maua mai e Afega i le 1896).

1963, LC 2253 – 30 Setema: Faaiuga o Faamsinoga o Talosaga – TUMAU pea le Faaiuga o le Faamasinoga Muamua, e Pule aoao lava Afega i fanua i TUA o le 723 eka.

Aisea na toe laga ai nei le mataupu i eleele i TUA ole 723 eka?

Lau afioga, e tāua le fesili lenei. E mafua ona:

2009; Vevesi aiga Leauvaa i fanua i TUA o le 723 eka lea ua latou faaigoaina o Vaialia poo Sigamea-uta poo le Ualesi. E mafua i le faatoaga a Fata Leone (matai i Afega ae o le tagata Leauvaa). Ina ua faaulu le Itu a Afega i lea mataupu, ona toe aumai lea i tua e soalaupule ai.

2011, Oketopa: Soalaupulega i le va o Leauvaa ma Afega i le maota o Sala Vaimili. Taunuuga: Fili mai se komiti toa sefulu (10) a Afega faapena Leauvaa e vaai i le mataupu lea. Afai o totonu ole 723 eka lea e mafua ai le vesiga, ona solomuli lea o Afega ae taatia pea ia Leauvaa e fofo alamea lea mataupu.

2012, Ianuari: Logo mai e le pulenuu Afega ia Leuava o lea ua sauni le Komiti o Afega e tusa ma le soalaupulega. Ae tali mai Leauvaa, “leai, e o i le tulafono.” Na mafua ai le Faamasinoga i le 2013.

2013, LC 9480 P1-P14: Toe faamautuina ai le PULE a Afega e tusa ma le faaiuga o le 1963. E le’i tatalo Afega e faatulai ese se tagata Leauvaa i TUA o le 723 eka. Peitai, Lau afioga, e matua ogaoga upu na faaleo e Leauvaa i le latou Tala Tusia.

“___E le toe iai se Pule a Fata & Maulolo i eleele uma nei (TUA o le 723 eka), na o le Pule fia faimea, pule faomea ma le pule fia ‘a’ai.”

Samoa is the Home of Taula.

E oo mai i le aso, e lei faafoia lava upu nei a Leauvaa. E pala le maa, ae le pala le tala. Ina ua maea le Apili i le 2017 o lea faaiuga i le 2013, o iina na amata ai loa ona tatalo Afega e faatulaiese loa tagata Leauvaa o loo i TUA ole 723 eka. Amata ia Tuala Tele’a, sosoo ai loa ma Aiga nei e 18.

2017, LC 9480/P5-P10: Faaiuga o Faamasinoga o Talosaga toe iloilo – e faamautuina ai le aloaia ma le faamamaluina o le LC 1195 (1962); LC 1927 (1961) ma le LC 223 (1963).

E oo mai i le taimi nei, o loo tumau pea le faaiuga i le 1952 ma le 1961 e tulaiese tagata Leauvaa. Ua silia ma le 70 tausaga talu ona ave le faaiuga faa le tulafono ia Leauvaa e tulaiese.

tivoliaparthotelsamoa.com

Lau afioga, Mo le silafia, ua uma ona ave iai le 723 eka e faaaoga, toe faaaoga faamalosi TUA o le 723 eka i le itu i matu aga’i atu i le ‘a’ai aua o loo i lalo pea o Afega, a o lea foi e nofoia faasolitulafono (silia nei ma le 70 tausaga) ia TUA o le 723 eka i le itu i saute. E lei lava ea ia aso e nofoia faasolitulafono ai e Leauvaa nei eleele?

2018, 11 Tesema: Silasila i le Fuaiupu 11 Itulau 4 o le Faaiuga LC 9480 P15-P16, i lalo o le Iloiloga o Mau:

“O le faaiuga aso 14 Iuni 2013, na soloia ai e le faaiuga 2017 (Faamasinoga o Talosaga) le faatulaiese o tagata Leauvaa ona e lei aofia le faatulaiese i le Talosaga a Afega i le 2013.  Nei lea ua toe talosaga Afega i le faatulaiese o Aiga 18 aua ua toe faamaonia ma faamautu e le Faamasinoga Apili o le 2017 i le Vaega 2 o le Faaiuga Autu lana pule ma le pule faamamalu a Fata ma Maulolo.”

O se vaaiga i vevesiga na tulai mai i le amataga o Oketopa ina ua oo atu Afega e sua le auala.

 

2018, Mati: LC 273P1/P2 – Afega vs Tuala Tele’a (o Leauvaa). Na muamua le faamasinoga lenei i le faamasinoga o Aiga 18. O le faaiuga – Faatulaiese Tuala Tele’a. O loo aumai foi le faauigaga e le LC 271P1/P2 o le uiga tonu o le Faaiuga o Faamasinoga o Talosaga i le 2017, e tutusa lelei ma le faauigaga e le LC 9480 P15-P16, 11 Tesema 2018 i le faatulaiese o Aiga 18.

2020: Poloaina e le faamasinoga Afega, Tuanai ma Leauvaa e saili pine o le 723 eka. Lua (2) vaiaso na fai ai lea galuega, sa iai uma Leauvaa, Tuanai ma nisi o matai mai Levi e molimauina lea galuega tele. Uma ane le galuega, totogi toatasi e Afega le fuafanua, $60,000 tainane o le Poloaiga na aumai uma ia Afega, Leauvaa ma Tuanai.

2023, Setema: LC 1264/P1 – Faaiuga faatatau i le fuaina o le TUAOI o Afega ma Levi e tusa ma le Faaiuga 1963. I lea faaiuga, ua mautinoa ai foi, o aiga ia i TUA o le 723 eka o Leauvaa, e iai uma i le itu Sasae o le laina tuaoi o Afega/Levi. O lona uiga, o fanua tau Afega, e pule ai Afega.

2023, 25 Setema: Poloaiga a le Resitala o Faamasinoga o Fanua ma Suafa i Alii & Faipule o Leauvaa ina ia tapena ese loa aiga uma i TUA o le 723 eka ona o lea ua sauni atu Afega e faaaoga TUA o le 723 eka. E le o usitaia lava e Leauvaa.

2023, 01 Tesema: LC 1264 P1 – Faaiuga (TAUAOFIAGA FAAPITOA) – Mataupu na suesueina: Talosaga a Levi e taofia le galuega a Afega o loo faatinoina i le itu i sasa’e o le laina tuaoi lea sa fuaina ma faamaonia i le faaiuga o loo apiliina nei.

Faaiuga: Teena le Talosaga a Levi.

 

2023, 21 Tesema: Lea foi ua tatalo Leauvaa e taofia galuega a Afega o loo faatino i TUA o le 723 eka, o lona uiga – ua tatau foi ona teena e pei o le Talosaga a Levi.

Lau afioga, ua faalua (2) nei ona faamaonia ma faamamaluina e Faamasinoga o Talosaga ia le LC 2253 1963 lea ua faataatia mai ai le PULE a Afega i eleele uma i TUA o le 723 eka. O lona uiga, ua matua mausali lenei faaiuga faaletulafono.

E lagona ai le faanoanoa tele o Alii & Faipule o Afega ona o lenei:

Check these out at Le Well
  1. Ua tele naunau nei faaiuga faaletulafono mo tagata Leauvaa e tulaiese mai eleele i TUA o le 723 eka. Paga lea, ua matua leai se faaaloalogia ma amanaia e Leauvaa o nei mau faaiuga uma ma Poloaiga a le Faamasinoga. E oo lava i Aiga 18, lea ua molia i le Contempt of Court ae matua leai lava se foliga tulaiese.
  2. Aganuu ma le agaifanua – silasila i le soalaupulega ia Oketopa, 2011 i le maota o Sala Vaimili – fea na i’u ai? O le finagalo lava o Leauvaa na ala ai ona o’o le mataupu lenei i le tulafono.
  3. 2020: O’o mai le savali a Salemuliaga (taitai mai e Tevaga Vaelua) ma feiloai ma le tu’ua o le matou nuu, Matua To’alua e logo mai o le a sauni mai Leauvaa e feiloai ma Afega i le aganuu. Talia e le tuua, fai foi le lafo o le tu’ua e $500. Fea na iai? Na o le tauoleole ma le tau faavalea mai ia Afega.
  4. 2020: I le sailia o pine uma o le 723 eka – na maua uma pine vagana pine e lua (2) i le vega tonu na suaina ma faatau le eleele, e le’i maua ia pine. Masalo ua faatau atu ma pine. Tasi lenei vaega faamomoiloto ia Afega i le 2020. Na matou asaina ai vaega uma o le 723 eka ma iloa ai, pe tusa ma le 20-30% e le’i faato’aina. Tele foi se vaega eleele i totonu o le 723 eka ua matua satia ma faaleagaina, ua sua ma faatau le palapala. E ofo o matou loto ona o eleele nei na tuuina atu e Afega e faaoga e Leauvaa ina ua sulufai mai le solaaga mai le afi i Salafai. Na tuuina atu la matou Lipoti i le afioga i le Persitene i lena vaitau, e tusa ma vaaiga faamomoiloto na matou mauaina i le sailia o pine o le 723 eka. ‘Aua foi nei galo ia Leauvaa, le faaiuga o le 1952 e uiga i le pule o eleele i totonu o le 723 eka. O loo toe aumai foi lea tulaga i le LC 1264/P1 o le Aso 15 Setema, 2023.
  5. Afai ua teena e Leauvaa le taumafai atu o Afega (2011) e soalaupule i le avafatafata ma le va fealoa’i lenei mataupu i aiga o loo nofia eleele i TUA o le 723 eka, toe teena faaiuga e tele a le Faamasinoga, o le fesili: O le a la le isi laasaga? E talitonu Alii & Faipule o Afega o loo iai lava i le faamasinoga le malosi e mafai ai ona fai ana faaiuga e faatumauina ai pea le talitonuina e tagata Samoa ia faaiuga mamalu a le faamasinoga (integerity of the court)

Now available at SOS!

Ona o ia tulaga uma ua folasia i lumamea, o lea ua toe tatalo atu ai Alii & Faipule i lau afioga i le Persetene o Faamasinoga o Fanua & Suafa mo sau Poloaiga Malosi, e faatulaiese ai loa tagata uma o Leauvaa o loo galulue pe o nofoia foi ia eleele i TUA o le 723 eka.

O le fuafuaga a Afega, o le amataga o le tausaga fou (2024), o le a agai atu ai loa Afega e nofoia eleele i TUA o le 723 eka.

Ma le faaaloalo lava,

Maulolo Tavita Amosa, Ututaaloga Charlie, Fata Roketi (pulenuu)
Mo: Alii & Faipule o Afega