Faalavelave Tautaavale i Savaii: Feto’ai le Nissan Note ma le Mini Van, Masalomia le Ava Malosi

0
1170
Sui Komesina o Leoleo Papalii Monalisa Tiai-Keti.

O le afiafi o le Aso Tofi o le vaiaso talu ai na tulai mai ai se faalavelave tautaavale i Salelavalu i le motu tele i Salafai, ma auina atu ai i latou e toavalu i le falemai i Tuasivi.

Saunoa le Sui Komesina o le Matagaluega o Leoleo iā Papalii Monalisa Tiai-Keti, e toaono na togafiti ma toe tetea i tua, ae toalua na iai se tulaga tigaina, ma faanatinati atu ai i Upolu mo togafitiga.”

Na saunoa Papalii, na tulai mai lenei faalavelave ina ua feto’ai ni taavale se lua.

“O se Nissan Note ma se Mini Van.”

Na tā’ua e Papalii, o se tasi o ave taavale o loo aafia o loo masalomia sa faasuava i le taimi o le faalavelave.

“O loo faasolo pea iai suesuega a leoleo i Savaii, ma e iai moliaga e ono tulai mai pe a maea suesuega a le Matagaluega o loo faasolo nei.”