E lua ni pisinisi e onaina e tagata Asia sa faatama’ia i le malaia i le vaveao o le Aso Gafua i Salelologa.
Na faamaonia mai e le Komesina o le Ofisa o Tineimu, le afioga ia Tanuvasa Petone Mauga.
Saunoa Tanuvasa, “Pe tusa o le tolu i le vaveao na logoina ai le Ofisa o Tineimu i Salafai mo lea faalavelave..”
“O pisinisi e onaina e se tagata faipisinisi mai Saina.”
Faailoa e Tanuvasa e tusa ma ripoti mai le aufaigaluega a le tinei mu, o le malosi o le savili na vave ai le sosolo o le afi ma faamatama’ia ai ni fale se lua o ni pisinisi uma.
“Sa faaleagaina ai fo’i ma taavale sa i totonu o le lotoā.”
“Na o fale ma mea totino ua faatama’ia ae leai se soifua na maimau i lea faalavelave.”
Saunoa foi Tanuvasa, o loo faasolo iai suesuega a le vaega faapitoa o le ofisa o tinei mu e sailia poo le a le mafuaga o le malaia.
O le tasi lenei o faalavelave ua tau le misi se vaiaso ma tulai mai, e pei ona iai foi i lenā vaiaso ua mavae, lea e silia ma le $60,000 le faatupega o se fale ma mea totino na faatama’ia i le malaia i le afioaga o Magiagi.
Ua momoli mai se tuualalo a le Komesina o Faalavelave Faafuasei ma Tineimu, agai i le atunuu, ia silasila toto’a i le saogalemu aemaise ia mautinoa le tapē o soo se palaka sa faaaogaina ar maise o ogaumu ia mautinoa lelei ua tapē ma ia foia ai le tutupu mai o faalavelave e lei mafaufauina.
Senior Accountant Opportunity at Pacific Ezy Money Transfer
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
