O le tulai mai pea o manaoga i fanau aoga i le itu tau seleni, ma le utiuti o le faasoa a matua e tele ina lē gafatia ai ona totogi pili aoga, ma avea ai ma faafitauli e lē mafai ai ona faaauauina aoaoga a le fanau.
O le autu lea o se koneseti pese ua tuu faatasia e le kamapanī telefoni o le Vodafone e pei ona faalauiloa i le vaiaso nei.
I le saunoaga a le tamaitai pule o le vaega o Maketi ia Phaedra Moors, o le vaai ma le alofa i mafatiaga o fanau aoga, o le mafuaaga lea o le faamaite o le kamapanī i ni auala e maua ai se fesoasoani e tali atu ai i manaoga o le fanau.
O le Aso 5 Iulai 2025 ua atofa o le ā faataunuuina ai le koneseti pese i le Multipurpose Gym i Tuanaimato.
O alo pepese a le atunuu o loo aumau i atunuu mamao, faapea tama fanau pepese i Samoa nei, lea o le a aofia ma faatino lo latou sao i lenei faamoemoe.
Ua faatulaga le koneseti tele lea i le !so 5 Iulai ia talafeuga ma le taimi e tuua ai fanau aoga mo le kuata lona 2.
Ua iai foi le faamoemoe o le masina o Oketopa o le a toe faatino ai i le mae’a ai o le kuata 3.
O le sini a le kamupanī telefoni ia oo atu le 40 fanau aoga e mafai ona tuuina atu iai le fesoasoani tau tupe mo pili aoga i se seleni e maua mai i le vaega muamua o lea koneseti iā Iulai.
E le’i faamautuina mai po o leā se auala e filifilia ai tamaiti e 40 e faamanuiaina i lenei faamoemoe.
O le sini ma le mau tauave a le kamapanī, ia toe faafoi atu faamanuiaga i tagatanuu lautele o le atunuu.
- Moomia e le Faamasinoga Mafuaaga Tatau e toe Faitau ai Palota mo Itumalo e 10 - September 10, 2025
- Vave ona talia ma faaulufale e Faumuina le ifoga a Alii ma Faipule o Safua - September 9, 2025
- Talosaga Faaolatane Fiu lea sa tū lua, ina ia Toe Faitauina Palota mo Palauli 2 - September 8, 2025
