Faa-Samoa

Toa ono na taofia ae silia ma le $10,000 sa maua atu i le osofaiga i Moataa

September 25, 2023

12289

E silia ma le $10,000 le tino i tupe ma fualaau faasaina sa aveesea mai e leoleo i se osofaiga sa faatino i le po o le Aso Toanai.

I se vaaiga i ata sa pueina e leoleo, o loo iai ma tupe Niu Sila faapea tupe Ausetalia i le seleni na faaali mai.

I se faamatalaga a leoleo i luga o le latou Facebook o loo tā’ua ai o le Le Taifaifoe i Moataa sa faatino ai le latou osofaiga, ae toa ono i latou sa taofia mai ai.

E le’i faamautu mai e leoleo pe toafia ua molia, ae na o le faapea mai, o loo taofia ma faia suesuega..

“Six people were detained and are now being questioned by police.”

O lenei osofaiga, o se faaauauina o suesuega mai le osofaiga i Puipaa lea na faatino i le vaiaso talu ai Aso 20 Setema 2023, lea sa taofia mai ai ni alii se toasefulu ma le tamaitai e toatasi.

E pei ona faasalalauina i le vaiaso talu ai, o nisi o na alii sa taofia mai i Puipaa, e aofia ai ma i latou na molia muamua ma faasalaina i le falepuipui i le fualaau faasaina o le aisa, faapea ma i latou o loo i luma nei o le Faamasinoga a latou mataupu ae o loo tatala i tua e tālia ai aso o Faamasinoga (on bail).