Aso Toanai 24 Tesema 2022, Apia Samoa. Ua molia nei e leoleo i le fasioti tagata faamoemoeina se paaga (de facto partner) a se tamaitai Malu o le Malo.
Ua momoli mai le tele o faamaisega a aiga ma uo ma e masani ia mo Mele Segisolo Lapana, e manatua ai o ia o se tamaitai faagalo gata ma le loto alofa.
O lona uso matua ua faapea mai, o Mele o le uii o le aiga. E tatalo i le ao ma le po ona matua ina ua puipuia o ia ma lana galuega, ae o lenei ua ese lenei faafitauli ua tulai mai ma vave motusia ai le mafutaga.
O loo tuuaia le faaogaina e lē ua molia o se laau malosi e faaoo ai le maliu ia Mele Segisolo Lapana.
O lenei faalavelave na tulai mai i le vaveao o le Aso Toanai i Aleisa, a’o faitau itula toa’i taunuu le faailogaina o le fanau mai o le pepe fou o le Kerisimasi.
Sa muai tuuina mai se faasalalauga e le Matagaluega o Leoleo, e faapea o loo faasolo a latou suesuega i le maliu ai o sē tasi o a latou leoleo (off duty officer) ae o loo fesiligia i a latou suesuega le paaga (de facto partner) a lē ua maliu.
I nai itula e vā ai sa toe tuuina mai ai se faasalalauga a le Matagaluega e faamaoniaina ai moliaga e faasaga i le paaga a lē ua maliu.
O lē ua molia sā fai foi o ia ma se alii leoleo, ae ua faamavae o ia ma ua faamaonia e leoleo, ua tuuina atu o ia i lalo o le nofo vaavaaia (in custody) seia oo atu i le Aso 30 Ianuari e valaau ai le mataupu i le Faamasinoga Maualuga.
O loo faatuputupulaia pea sauaga i totonu o aiga ae maise i le va o ulugalii (intimate partner violence). E le o misi lava se tausaga ma faalavelave e tulai mai i totonu o Samoa, ma maliliu ai tinā ina ua sauaina e latou taitoalua poo paaga vavalalata (intimate partners).
I ni faamaumauga lata mai, ua faamaonia ai e silia ma le toalima ni tinā e fasiotia i itula uma (killed every hour) e a latou paaga vavalalata (intimate partners) poo nisi foi o latou lava aiga.
I se isi foi faalavelave na tulai mai i lenei vaiaso ao alu atu le atunuu e faamanatu le Kerisimasi, o se tama ua ia faaooina le maliu i lona lava atalii.
Ae o le masina foi lava lenei sa faamaonia mai ai le maliu o se tina mai le aiga o lona lava toalua.
