Ua tu’uina mai le i’uga a le Fa’amasinoga Maualuga e tusa ai o le su’esu’eina pe e talafeagai le fa’atautoga e pei ona fa’atinoina e le Vaega Fa’aupufai a le Fa’atuatua i le Atua Samoa ua Tasi ma ua fa’apea mai ai le Fa’amasinoga, e le fa’avaea ma e le fa’atulafonoina lea fa’atautoga e pei ona fa’atautaia i le fale ie i le aso 24 o Me, 2021.
O lenei fa’ai’uga e pei ona fofogaina e le afioga i le Fa’amasino ia Vui Clarence Nelson na ia saunoa ai e fa’apea, e fa’amalosia le tu’uina mai o le faatonuga (order) ina ia tauaofia le Fono Usu a Samoa, i totonu o le 7 aso o lumana’i.
Afai ae le usita’ia e le itu tagi, po’o le Ofisa o le Loia Sili, o i latou ia o le a fautuaina le Failautusi a le Fono Aoao Faitulafono aua lea fa’amoemoe, o le a toe fo’i loa i le fa’amasinoga le iloiloina o le fa’atautoga e pei ona fa’atinoina i le aso 24 o Me, ma e ono fa’atulafonoina ai loa lea fa’amoemoe.
O lenei fa’ai’uga sa mafai ona fa’aliliuina e le alii resitala i le fa’a Samoa i le taimi sa lauina ai, ina ia mafai ona malamalama le to’atele sa auai i totonu o le potu faamasino. E pei ona saunoa iai le afioga i le Fa’amasino ia Vui i le fofogaina o lenei fa’ai’uga, o se mata’upu o loo talitali e le atunu’u lona fa’ai’uga (public interest).
“Afai ae le usita’ia lenei poloaiga ina ia tauaofia le Palemene a Samoa i totonu o le 7 aso o lumanai, o lona uiga o le a toe iloilo loa e le fa’amasinoga maualuga ia le fa’atautoga i le aso 24 o Me ma e ono fa’atulafonoina ai loa lenei fa’atautoga pe afai e le usita’ia le poloaiga ma tauaofia le Palemene a Samoa i totonu o le 7 aso.”
O lenei mata’upu e pei ona fa’atino le iloiloga i le Aso Gafua o le vaiaso ua mavae, sa fa’atautaia e afioga i Fa’amasino ia Vui Clarence Nelson, Fepuleai Ameperosa Roma ma Lesatele Rapi Va’ai.
O loia o lenei mata’upu, e aofia ai le susuga i le alii loia ia Paul Rishworth mai Niu Sila mo le itu a le Loia Sili fa’atasi ai ma le lagolagosua a le susuga i le alii loia ia Fuimaono Sefo Ainu’u, o ia o le loia sili lagolago.
O loia a le itu a le FAST e aofia ai le susuga i le alii loia mai Niu Sila ia Benjamin Keith fa’atasi ai ma le lagolagosua a le tama’ita’i loia ia Muriel Lui.
O le fa’atautoga e pei ona fa’atautaia i le aso 24 o Me e le vaega fa’aupufai a le FAST na fa’atinoina ina ua lokaina le Fale Fono a Samoa ma ua le mafai ona auai atu aua lea fa’amoemoe.
O le aso tonu lea e atoa iai le 45 o aso talu ona mae’a le faigapalota tele a Samoa i le aso 9 o Aperila, 2021 ma o le mau a le FAST, ana fa’apea e le faia lea fa’atautoga, o lona uiga e ono finauina le toe foi o Samoa e toe fa’atino le faiga palota tele (fresh elections).
Sa saunoa Laaulialemalietoa Leuatea Polataivao Schmidt i fafo i le potu faamasino ua latou talia ma le faafetai le iuga o le faamasinoga e pei ona tuuina mai pe afai o le tali lea e maua ai le filemu o Samoa.
- Hearing Date Set for Four People Charged with Sexual Acts on Woman with a Disability - October 5, 2021
- Two Sasina Matai Charged with Uttering Threatening and Insulting Words - October 5, 2021
- Male Prisoner at Tanumalala Pleads Guilty to Acts of Sodomy - October 5, 2021
