Faitioina le Tuai ona Faasalalau le Igoa o lē o loo Masalomia i le Fasioti Tagata

0
10779

Ua tuuina mai e leoleo se faasalalauga e talosagaina ai le fesoasoani a le mamalu o le atunuu, i le sailiga o Semisi Aliimatafitafi, o loo masalomia i lona faaoo o le maliu i se alii talavou mai Taufusi.

Check out SSABs Teuila Specials!

O le Aso Tofi o le vaiaso talu ai sa maliu ai se alii talavou e suafa ia Oloa i le ogaoga o ni ona manuaga mai se laau malosi (gunshot wounds).

Sa toatele le mamalu o le atunuu na latou faasalalauina lenei mataupu ma mautinoa lava o Semisi sa ia faatinoina. Peitai, e lei mafai ona faamaoniaina e le afioga i le Komesina o Leoleo, ona sa ia faapea mai, sei tālia se faasalalauga a le latou media team.

O lē o loo sailia nei e leoleo, faatoa tatala mai i tua i le masina o Iulai. Sa tuli sana faasalaga i le gaoi o ni mea totino e aofia ai ma se iPhone silia ma le $1000 afe tala lona tau.

E lē fou le tulai i luma o le faamasinoga o lea alii o Semisi i moliaga o le gaoi ma le faaoolima. E lauiloa foi lana faatauga oka i’a sa faatu i luma o le faleoloa o Frankie i Matautu Apia.

I se faamatalaga a nisi o molimau e lata i le mataupu, o loo masalomia e iai le sootaga a le laau faasaina o le aisa i lea faalavelave.

Peitai e lei mafai lava ona maua se tali mai le afioga i le Komesina o Leoleo i lena vaiaso atoa, ona sa tālia le lalā fou lea a leoleo, e fai ai lava e latou ia a latou faasalalauga e le toe moomia le vasega faasalalau tumaoti.

Lea la ua faitioina ai e se tasi sa avea ma alii Malu o le Malo, le tofā ia Mulitalo Amosa Tupai le tuai tele ona tuuina mai o le faasalalauga a leoleo.

E pei ona saunoa le afioga ia Mulitalo, o mataupu faapenei e moomia le vave ona faasalalau mo le nofo silafia o aiga ae maise le saogalemu a e o loo aafia.

“Ua atoa le vaiaso ae faatoà faasalalau le tagata na fanaina se tasi o taulealea ua maliu. Ae sa maua lava i le aso muamua na maliu ai le suafa o lè sa ia fanaina..

“Leoleo!! o le a le mea ua tupu i le tou matagaluega? O solitulafono faapenei e le mafai ona faatali le faasalalauina e le gata i le aiga o lè ua maliu o loo fia maua se tali a le matagaluega, aemaise le saogalemu o lè sa faatinoina le soligatulafono..

Available at Le Well

“O kou fia vaai la i comments a le aiga o le ua maliu?”

“Faamafanafana le Atua i le aiga faanoanoa, ae faamolemole leoleo e le alu i luma kakou e alu i aukafa ma tua.”

Faasalalauga Faalauaitele a Leleo:

❗️TALOSAGA MO NI FA’AMATALAGA MANA’OMIA MO SU’ESU’EGA A LEOLEO,

Ua talosagaina e le Matagaluega o Leoleo, Falepuipui & Toefuataiga i le mamalu o le atunuu mo ni faamatalaga i se alii o lo’o tau sailia nei e Leoleo e pei ona iai le ata ua tuuina atu mo le silafia.

Visit SOS at Togafuafua or Salelologa. Call 📞 +685.21623

O loo tau sailia e Leoleo lenei alii e tusa ai o se suesuega o lo o faagasolo nei i se mataupu na maliu ai se tasi, e tusa ai o se faalavelave na lipotia mai i le vaiaso na te’a nei.

Ua fautuaina le mamalu o le atunu’u ina ia fa’afeso’ota’i vave le Matagaluega pe fa’ailoa ifo i so’o se Ofisa o Leoleo e latalata ane mo so’o se va’aiga o lenei tagata ona o loo masalomia o loo fa’aaupegaina ma e le tatau ona faalatalata iai se tasi.

E toe faamanatu atu i le mamalu o le atunuu, o se soligatulafono pe a e fesoasoani e faalafi lenei tagata o loo sailia e Leoleo.

Fa’amolemole faafesootai mai le numera o le telefoni 22222 pe faailoa ifo i se Ofisa Leoleo o latalata ane ni faamatalaga e ono fesoasoani i le saisaia mai o lenei tagata.

E fautua atu foi i lenei alii o loo sailia ina ia sau i totonu pe lipoti ifo i se Ofisa o Leoleo lata ane.

Galulue fa’atasi mo se Samoa saogalemu.

Teuila Program