Faatonu le Matagaluega o Soifua Maloloina e Vave Aumai se Fomai Faapitoa

0
287

Sa faamautu mai e le Alii Palemia o Samoa Susuga Tuilaepa Sailele Malielegaoi ua maea ona faatonuina le Matagaluega o le Soifua Maloloina ina ia auina vave mai loa se fomai faapitoa e fai taotoga o le fanau o loo taofia a latou tino maliu.

I le taimi nei o loo iai pepe o loo taofia pea i le falemaliu i le falema’i i Motootua ona o loo faatali le fomai faapitoa e faia taotoga e iloa ai le mafuaaga o le maliliu ai o fanau ia.

Sa taua e le Palemia o nai fanai sa maliliu lava i o latou aiga i tua.

Sa saunoa mai Tuilaepa na te lei silafiaina le tulaga lea e lē o mafai ai ona ave i tua tino maliu o le fanau. O le taimi lava sa ia silafiaina ai lea mataupu, na faatonuina ai loa le Matagaluega o le Soifua Maloloina ina ia auina vave mai se fomai faapitoa e fai taotoga ma mafai ai loa ona faamatuu atu tino maliu o fanau nei i o latou aiga mo a latou toe sauniga.

Ua faailoa e le Alii Palemia o Samoa le Susuga ia Tuilaepa Lupesoliai Sailele Malielegaoi, o le a iloa i le maea ai o le feiloaiga a le kapeneta le faaauau ai ma le faamuta o le vaitau o le faaeteteete lea o loo iai nei lo tatou atunuu ona o le faamai o le misela.

“E iai le faamoemoe ua pasi le tulaga matautia ae o lea ua toe foi tatou i le tulaga taugamalie i tiute masani e tatau ona fai ma faauau, o tuiga o i latou o loo faia pea le tuiga i le taimi nei.”


Maina Vai