Faaleo le Atugaluga o le Pule Maliu Lilo i le Faatamala o le Aufaigaluega i le Toese

0
4045
Pulesili o Maliu afioga ia Alalatoa Rosela Papalii, Photo: SGN

Ua faamaonia mai nei e le Komesina o le Matagaluega a Leoleo, Auapaau Logoitino Filipo, le taulimaina lea e le Matagaluega o se tusi mai le Pule Maliu Lilo (Coroner) le afioga i le tamaitai faamasino ia Alalatoa Rosela Papalii.

I lea tusi o loo ta’ua ai, le faatamala o le aufaigaluega faapea le pulega o le falepuipui i le vaaia lea o pagota i tua mai o le nofoaga o loo faatino ai galuega mo faatoaga mo le itu tau taumafa.

Pulesili o Maliu afioga ia Alalatoa Rosela Papalii, Photo: SGN

I lea lava tusi ua faatonuina ai se suesuega tumaoti (independent inquiry) e tapena e le Komisi o Sulufaiga poo le Ombudsman i le tulaga sa maliu ai Kolani Junior Lam, o se pagota sa tuli lona faasalaga i le toese.

Ua faatonuina foi e Alalatoa, le faia lea o se taotoga faapitoa e iloilo ai le maliu ai o Lam, lea sa tā’ua e leoleo o loo masalomia i le pule i le ola sei tulou.

O le vaiaso talu ai na faatopetope ane ai le susuga ia Kolani Lam i le falemai i Leulumoega mo togafitiga e laveai ai lona ola peitai, e lei manuia taumafaiga a fomai.

Sa saunoa le Komesina ia Auapaau o se galuega o le totoina o togalaauaina lea sa auai ai Kolani, “ae o se vailaau oona lea e masalomia na ia inumia ma maliu ai.”

O loo tālia nei le taunuu mai o le fomai faapitoa mai Fiti mo le faatinoina o taotoga faapitoa e aofia ai ma nisi o tino maliu o loo i le falemaliu i Motootua.

O le aso 12 o Iulai o le a fofogaina ai lenei mataupu i luma o le Faamasinoga (inquest) o le a suesueina ai foi mau o le maliu lilo.pp


[starbox]