Aso Gafua 12 Tesema 2022, Mulinuu Apia Samoa. O le asō na faaali ai le lē fiafia o le Alii Faamasino ia Fepuleai Ameperosa Roma i le lë faatinoina o tiute a le ofisa o le Resitala o Faamasinoga.
I taualumaga o le Faamasinoga Maualuga i mataupu tau soligatulafono, na saunoa ai le afioga ia Fepuleai Ameperosa Roma, “Ua tafafao le ofisa poo le aufaigaluega ae lei tāina le kerisimasi..”
E tolu ni mataupu tau soligatulafono na tolopo mai le vaiaso talu ai, ma le faamoemoe e valaauina i le vaiaso nei, atoa ai ma le poloaiga a le Faamasinoga e saili ni loia pe faatumu le form e saili ai loia o loo totogi e le polokalame le Malo.
Peitai i taualumaga o le faamasinoga i le asō, na maitauina ai le fesiligia o ia mataupu na tolo mai i le vaiaso ua mavae, peitai e le’i iai ni loia saili mo matupu na faatulagaina.
Saunoa le Alii Faamasino ia Fepuleai, ua tafafao le aufaigaluega e lei tāitai oo atu i le kerisimasi.
E 43 mataupu tau soligatulafono na valaauina i luma o le Faamasinoga Maualuga i le taeao nei i luma o lana afioga ia Fepuleai Ameperosa Roma (Supreme Court criminal mentions).
O le vaiaso fou, o le vaiaso mulimuli lea o galuega a le Faamasinoga ona malolo atu ai lea mo le lua vaiaso mo aso fiafia.
- Pau le tali o le taugatā o le tau o le soifuaga, o le fai o se tatou vaa oloa - January 27, 2023
- Talosagaina se tasi na te silafia se faamatalaga i le maliu o Aotearoa e fesootai mai le matagaluega - January 26, 2023
- O se Faanoanoaga tele mo Falelatai ma Samatau Tuuaiga i le Faaogaina o Tupe mo le Poloketi Miliona - January 25, 2023
