Tofiaina Theodore McFarland e fai ma Kapeteni o le Manu Samoa

0
1016

Ua tofiaina e le Faiaoga Ulu o le Manu Samoa 15 le susuga ia Theodore McFarland e fai ma Kapeteni o le Manu Samoa mo le uluai taaloga faava-i-malo o lana nofoaiga.

Samoa is the Home of Taula and Taula Matais are huge fans of the Manu Samoa. Enjoy responsibly.

O se au muamua lea i lalo o le taitaiga a le afioga i le faiaoga ulu ia Mase Mahonri Schwalger, talu ona tofiaina o ia e tauaeve le tofi aua tapenaga a le Manu Samoa mo le ipu a le lalolagi, Rugby World Cup  2027.

I se feiloaiga ma le vasega o tusitala i le aoauli nei, na saunoa ai Mase i lana filifiliga o Theodore, o se tasi ua leva fo’i tausaga o ia maitauina mai taaloga ua tuanai, ma o se tasi fo’i ua iai lona faatuatuaga atoa.

Muliaga James Ah Wai (Treasurer & Manager), Tuatagaloa Aumua Ming Leung Wai (Club President), Theodore McFarland (Roosters’ Captain), Savaiinaea Gus Slade (Head Coach) & Tevaga Viane Tagiilima (Club Vice President).

“O se tama taalo ua lava lona silafia i le taaloga, ma o se tasi fo’i o loo iai le agavaa e mafai ai ona ia taitaia le au a le atunuu…”

Saunoa Theodore McFarland e faateia o ia ina ua valaau atu le pulega ma faailoa atu le tofiga ae sa leai sona manatu o le a filifilia o ia.

Sa momoli le faafetai a le Kapeteni o le Manu Samoa i le faiaoga ulu ma le pulega i le amanaiaina o lona faatauvaa mo lenei tofiga tāua.

“O le a galulue faatasi ma le au uso matutua mo le mea sili, aua taaloga muamua nei e lua ma Italia faapea Sepania.”

Saunoa le Tataimalaga ia Su’a Hesed Ieremia, e momoli faafetai i le tapuaiga a le atunuu.

“E manaomia pea la outou lagolago ao alofaiva tama fanau a le tatou atunuu mo le faamoemoe o loo lumanai..”

O le a faalauiloa i le Aso Lulu nei le lisi o le Manu Samoa o le a faatautaia le taaloga ma Italia i le Aso Faraile 5 Iulai 2024.

Faasalalauga Faalauaitele