Toafitu ua Molia i le Susunuina o Fale ma Taavale a se Aiga i Faleula

0
3291

Ua molia e leoleo ni alii se toafitu i le faalavelave lea na susunu ai fale ma taavale a se aiga i le afioaga o Faleula.

Ua faailoa mai e leoleo, le molia ai o nei alii e toafitu ina ua maea ā latou suesuega i le malaia sa faatamaia ai fale ma taavale a le aiga o Seugamalo Ake Uele.

I se faamatalaga a Seugamalo ina ua tula’i mai lenei faalavelave matautia sa faaleaogaina uma ai meatotino a lona aiga, o le togavao e sosoo ma le latou fale, na tauai mai ai fagu o loo mumu i le penisini.

O le tele o fagu penisini sa tauai mai, lea sa vave ai lava ona sasao le afi ma faatamaia ai fale ma taavale ma le tele o isi mea totino aoga a lo latou aiga.

O fale ma taavale na faaleagaina i le mu, na taua e Seugamalo, e tusa ma le $500k (limaselau afe tala) le faatupega o mea uma na faaleaogaina.

Saunoa le Komesina o Leoleo iā Auapaau Logoitino Filipo, o Ioo tatala i tua i latou uma (bail) e talia ai le Aso 8 o Iulai e tulai ai i luma o le Faamasinoga e tali atu i moliaga.

Don’t miss out on Summer Olympic action. Sign up for Digicel TV today!

Ua faatonuina i latou nei e toafitu, ina ia saini i le Aso Lulu o vaiaso taitasi ae le’i taina le itula e 4 i le afiafi, o le ofisa o leoleo i Afega.

O Seugamalo sa vevesi ma le afioga i le Faipule o Sagaga 1 iā Loau Keneti Sio, i luga o ni feeseeseaiga o finagalo i fanua o Faleula sa tufaina mo aiga taitasi.

Sa tula’i mai se vevesiga i le va o Seugamalo ma lona afafine, faapea le Faipule ma lona faletua ia Malama.

Sa vaaia i luga o Upega Tafa’ilagi manuaga i fofoga o le faletua ina ua maea le faalavelave.

O loo molia Loau Keneti Sio ma lona faletua i le faaoolima (assault), lafo upu faamata’u, ma le uumia o se aupega matautia.

E faapena foi Seugamalo ma nisi o ona tauaiga. O loo molia foi i latou uma i moliaga o le faatino o gaioiga e faaoo ai le manu’a, tu fua i le fanua e aunoa ma se mafuaaga tatau (trespassing) faapea ma moliaga o le faaoolima.

O lasAso 8 foi o Iulai tula’i i ai i latou uma nei i luma o le Faamasinoga mo le taimi muamua (first mention).

Public Notices

From Bank South Pacific

From Unit Trust of Samoa