Tapā e le Ofisa o le Loia Sili Lipoti o Suesuega i le Faaaogāina o Tupe mo le Poloketi Miliona

"E iai vaega o ia lipoti o loo fia silasila iai le Ofisa o le Loia Sili.."

0
843

E lua itumalo palota sa suesueina e le Matagaluega o Tupe le faaaogāina o se vaega o seleni o a latou poloketi miliona.

E pei ona faamaonia mai e le afioga i le Minisita o le Matagaluega o Tina ma Tamaitai Atina’e o Afioaga ma Aga Fesoota’i, o lea ua tuuina atu lipoti o nei suesuega i le Ofisa o le Loia Sili a le Malo.

Afio mai loa i le SOS Togafuafua poo le tatou lālā i Salelologa.

Na faailoa e le afioga ia Mulipola Anarosa Ale Molioo i se feiloaiga ma le vasega o tusitala, e iai vaega o nei lipoti o loo fia silasila iai le Loia Sili, ma o le mafuaaga lena ua latou tapā ai faaiuga o suesuega, ma tuuina atu iai.

O le itumalo o Lepa o le faaaogaina o le $96,000 mai le uluai vaegatupe e $200,000  o le poloketi lea sa tuuina atu e tapena ai ofisa ma nisi o le aufaigaluega.

O le seleni o loo fesiligia sa totogi ai lisi o le ofisa o le Fono Faavae e pei ona saunoa iai le Faipule ia Tuilaepa Sailele Malielegaoi, e faasolo a latou fono i maota o nuu o le Itumalo, ae totogi le lisi o fale fono.

Mo le itumalo o Faasaleleaga 2 o le faaaogāina o le $175,000 tala mo alauni ma totogi o tagata faigaluega ma sui o le komiti o le Fono Faavae.

O le mataupu o loo aafia ai le itumalo o Faasaleleaga 2, sa faailoa i se tusi faalauaitele a le Faipule o le itumalo, le afioga ia Magele Sekati Fiaui.

O le mau tusitusia a le faipule, e mamà o ia ma le seleni o loo fesiligia. Sa ia tautino i lea faasalalauga, na te le’i faaaogaina foi se tupe lava e tasi o le poloketi.

“O le failautusi o le fono faavae o loo ia uumiaina le tusi tupe a le itumalo..”

Mo le itumalo o Lepa, o loo fesiligia se vaega tupe e $96,000 sa tufatufa i afioaga a le itumalo mo le faatinoina latou atina’e, e tua iai le nuu taitasi.

E ui Ina faaletonu nisi o itumalo ae o le amataga lenei vaiaso na faamatuu ai foi nisi o seleni o le poloketi o le miliona mo nisi o itumalo e pei o Aana Alofi 3, ma Sagaga 1.