Falepuipui, Totogi le Sala $130k, ona Aveese atu loa lea mai Samoa

0
1482

Ua faasalaina e le Faamasinoga le Alii o  Qinpin Yan, o se faipisinisi mai Saina ua falepuipui mo le 6 masina toe totogi ma le sala tupe e $130,000 tala.

E 12 masina na amata ai le fua a le Faamasinoga Faaitumalo i se faasalaga faafalepuipui mo Qinpin Yan, ae sa toesea masina e ono ona o tulaga lelei.

I faamaumauga a le itu a leoleo e faapea o le masina o Aperila 2020 na maua ai i le uafu i Matautu se pusa oloa (container) o loo iai figota o le fugafuga ma maisu, o se pusa oloa e $1.8 miliona lona tau pe’a faatauina i totonu Saina.

Na faailoa foi i faamaumauga a le itu a leoleo, le tuuina atu lea o lenei alii faipisinisi mai Saina o se tino i tupe $5,000 i se alii Ofisa o Tiute ina ia ave ai le pusa oloa e aunoa ma le sailia o totonu o le pusa.

I le tolaulauina o  le faaiuga a le afioga ia Leota Matautia Raymond Schuster, e le tuumamaina e le faamasinoga le solitulafono a Yang ina ua ia taumafai lea ave faamalosi se uta o fugafuga ma e le ‘alo foi le faamasinoga e tuuina atu faasalaga mamafa e tusa ma le solitulafono.

E ono masina e nofo sala ai i le falepuipui, toe totogi ma le sala tupe $130,000.

A ma’ea ona tipoti lea O Yang i Saina, ma faasa ai ona toe ulufale mai i Samoa seia maea le lima tausaga.

O le tamaitai loia ia Muriel Lui sa tulai mo Qinpin Yan.