O Meaalofa o se Auala lea e Faaloto Tele ai i Fanau o loo Faataotolia i Ma’i o le Tino

0
92

“O meaalofa o se auala lea e faaloto tele ai fanau o loo fataotolia i ma’i o le tino i totonu o le falemai i Motootua.”

O le mafuaaga lea e fai ai pea le auaunaga a le Digicel Samoa i tausaga taitasi e momoli meaalofa mo le fanau o loo taofia i le falemai ae ua oo mai le Kerisimasi.

O le finagalo a se sui o le kamupani o le Digicel Samoa iā Charlize Leo, “Ua faitau aso ona tatou taunuu i le fanau mai o le pepe fou o le Kerisimasi..

“E manatu alofa i fanau o le a le mafai ona mafuta atu i aiga mo le faamanatuina o le Kerisimasi..

“E manatu foi, o le oo mai o ma’i o le tino o se auala lea faaloto vaivai ai matua ma fanau, ae ua manatu le kamupani o le Digicel, e omai e ofoina atu meaalofa e faafiafia ai fanau o loo mafatia.”

E silia ma le luasefulu le aofai o le aufaigaluega o le Digicel, faatasi ma le Alii Pule o le kamupani, na auai ma ofoina atu meaalofa ua maea ona tapenaina ma teuteuina e pei o meataalo ma laei mo le fanau.

E $1000 le seleni na faimeaalofa ai le kamupani mo fanau o loo faataotolia i le falemai i Motootua, $2000 mo alii ma tamaitai fomai o loo gasea le faatinoina o lo latou valaauina.

O le maea ai ona tuuina atu o meaalofa mo le fanau, ona faimalaga atu lea o le kamupani mo le faamoemoe e tuuing atu foi se seleni e faameaalofa ai mo le Sosaiete a le Kanesa.

E le o se taimi muamua lea ua faatino ai le e le kamupani malosi o le Digicel lea faamoemoe, ua le gata i meaalofa o loo tuuina atu i le atunuu, aemaise o latou paaga, ae ua tele foi faalauiloa ua faamanuiaina ai tatou atunuu.