Ua molia nei e leoleo se tamā matua o loo tuuaia i lona umiaina o fualaau faasāina ma ni mea faitino e faaoga mo le ulaina o le aisa.
Na faamaonia mai lea tulaga e le Sui Komesina o le Matāgaluega a leoleo Papalii Monalisa Tiai-Keti.
I le saunoaga a Papalii, o i latou e toalima na taofia mai e leoleo, o loo aafia ai ma se tamā matua e 62 tausaga lea ua molia nei (possession of narcotics and utensils) ina ua faatino se osofaiga a leoleo i Toamua-Uta i le Aso Toanai 6 Me 2023.
O le pauta o le aisa (methamphetamine) o ni paipa faa’aogaina e ula ai le aisa (utensils) o mariuana, ma se tama’i fana 9mm – o se laau malosi e lē faatagaina – sa maua lea i se osofaiga a leoleo i le po le Aso Toanai na sei mavae atu nei.
Saunoa foi Papalii, o se tulaga faanoanoa ona o le aafia ai o tina e toalua i le toalima lea ua molia, aemaise o se tamā matua e 62 tausaga le soifua.
O loo taofia nei i lalo o le vaavaiga a leoleo i latou uma nei e tālia ai le Aso 22 o Me e tutula’i ai i luma o le faamasinoga maualuga.
