Lē Maua se Taunuuga o le Mataupu i le vā o le Fofoga Fetalai ma le Sui Faipule Sagaga 1

0
719

Ua i luma o le Faamasinoga JSC (Judicial Settlement Conference) le mataupu i le va o le afioga i le Fofoga Fetalai iā Papalii Lio Taeu Masepa’u ma le Faipule o Sagaga 1, le afioga iā Loau Solamalemalo Keneti Sio.

Visit our SOS stores at Togafuafua and Salelologa.

O taualumaga o lenei Faamasinoga o le JSC, e taumafai ai e soalaupule mataupu, peitai, e le’i mafai ona maua se taunuuga ma ua toe tolopo ai nei mo le vaiaso fou.

O le oo atu ai o lenei mataupu i le Faamasinoga, e mafua i se tagi a le Fofoga Fetalai.

O le mau a Papalii, e tatau ona soloia ma faaleaogaina le nofoa o Loau i le Maota o Samoa ona ua ia teena se faasalaga na tuuina atu e Papalii ina ua tōesea mai i Fono sosoo e 3 a le Palemene.

O le talitonuga a le Fofoga Fetalai e le’i mulimulitai Loau i Tulafono Tumau a le Palemene (Standing Orders) ae o le mau a le Sui Faipule, sa ia uia auala uma.

I se faatoesega a Loau na tuuina atu i luma o le Palemene ina ua lagā lenei mataupu e le Fofoga Fetalai ia Oketopa 2023, na ia saunoa ai..

“Ou te asu atu vai malu i lou finagalo. Ou te teena lau folasaga i le taeao nei, ou te manatu sa ou uia lava auala o Tulafono Tumau o le Maota, ae ina nei e manatu faapea ai e manatu māmā le sui usufono i lau afioga..”

O loo teena fo’i la e Loau le tagi a Papalii ua i luma nai o le Faamasinoga.

O le vaega 46 (2) o le Faavae (Constitution) o loo faailoa mai ai e Papalii Lio, e na o le maliu ma le faamavae ma le lē toe agavaa, pau ia o vaega o loo faamatala mai e le faavae.

Section 46(2) of Samoa’s Constitution refers to Tenure of Office and states an MP’s seat shall become vacant upon; his or her death, if the member resigns, if the member ceases to be a citizen of Samoa or, if the member is disqualified.

O le mau a le Fofoga Fetalai, e ao lava ona lipoti le Sui Faipule i le Fofoga Fetalai.

Saunoa le Fofoga Fetalai, “Peitai ua faamauina e faatolu ona lē fono le sui usufono a Sagaga 1, ae aunoa ma se faaaliga e faailoa mai ai i le Fofoga o le Maota.”

O se fonotaga a le Palemene i le masina o Oketopa 2023 na fofogaina ai e le Fofoga Fetalai le mataupu, ma o le fonotaga foi lea na faatoese ai le Sui Faipule a Sagaga 1 i totonu le Maota.

O le a toe valaau le mataupu i le masina nei le Aso 17 o Iuni 2024.

Public Notices 

Samoa Business Hub 

Marist Rugby Club