Koneseti Punialavaa: Ofoina atu mo le Fale Faamamā Toto Seleni Uma e Maua

0
106

O le Aso 26 o Me o le a faia ai se koneseti a le Punialavaa ma nisi o faaili, faapea alo pepese o Samoa i le maota o le Tooa Salamasina i Apia.

O seleni uma e maua mai lenei koneseti o le a ofoina atu lea mo le Faalapotopotoga Faamama Toto o Samoa (National Kidney Foundation of Samoa).

I se faatalatalanoaga ma le faauluuluga o le Punialavaa, le susuga ia Lale ma le faletua ia Vini, ma lo la alo ia Nanai Manutoipule, na latou faailoa ai ua latou tapena e malaga mai e faataunuu se koneseti auā le faamaeaina o le faamanatuina o le 60 tausaga talu ona tutoatasi Samoa.

I le Saunoaga a Lale, sa nofo lava ma tuufesilisili lona mafaufau poo le ā se vaega a le au fatu pese i le tala faasolopito o Samoa.

“Ua manatu ai o le sao lea a le Punialavaa ma nisi au fatu pese ma alo pepese o Samoa i le 60 tausaga o le tutoatasi.

“Ae maise o le ofoina atu o se fesoasoani mo nisi o auaunaga o loo moomia se fesoasoani.”

O se tasi o tama e faasino i le susuga ia Lale ma Vini (grandfather) le susuga ia Nonumalo Aiono Nanai Leulumoega Sofara, na tuumalo i le gasegase o fatugao, ma sa faamamā lona toto.

O lea ua manatu ai le pulega a le Punialavaa e tuuina atu se seleni mo le auaunaga tau fatugao (National Kidney Foundation).

Tā’ua e Nanai o loo iai le fuafuaga pe tusa o le 40 laulau (corporate tables) poo le 400 tagata e auai ai i lea po.

“O nisi o faili na faailoa e aofia ai le Pacific Love, ma le Samoa na Galo.”

O lenei faamoemoe ua mafai ona faataunuuina ona o le lagolago a le Matāgaluega o Tina, Afioaga ma Agafesootai, o le Fiji Airways, le siufofoga Samoa le 2AP ma le TV9.

O le faaili lauiloa o le Punialavaa, na faavaeina i le tausaga 1968, ma ua silia ma le 100 ana fatuga faasamoa.

SOS Samoa Togafuafua and Salelologa.