Falepuipui le Avetaavale na Maliu ai se Tamaititi Aoga 14 Tausaga i Vaoala

0
2020
March 2021, FESA responds to the tragic accident that killed a 14 year old boy. Photo šŸ“ø Vaai Nah Folasa.

Ua tuuina mai se faasalaga falepuipui i le avetaavale na mafua ai le maliu o se tamaititi aoga o le Kolisi o Avele i le faalavelave lea sa tulai mai i Vaoala ia Mati 2021.

Check out these coffee mugs and more at Mercy Shop, Saleufi. šŸ“ž +685.20027

E lua tausaga ma le valu masina i le toese le faasalaga sa lauina i luma o le Faamasinoga Maualuga mo Rudolf Nauer, ina ua faamaonia le avetaavale faatamala ua mafua ai le maliu (negligent driving causing death).

E pei ona lipotia i le taimi na tulai mai ai lenei faalavelave, o se loli o loo tosoina mai se excavator na oso i tua mai le aualatele.

O le faafesagai tonu lava ma le falesa a le Ekalesia o Iesu Keriso o Aso e Gata ai (LDS Church) i Vaoala na tulai mai ai lenei faalavelave.

O se tamaititi aoga 14 tausaga sa nofonofo i luma o le pa sima e faatalitali nai ona tei aoga, ona latou o faatasi ai lea i le latou fale e lata ane.

Na oso i tua le loli ma lavea ai le tamaititi aoga mai le Kolisi o Avele ma maliu ai lava.

I le fofogaina o le faasalaga (sentencing) e lana afioga i le Faamasino ia Justice Niava Mata Tuatagaloa, sa ia saunoa ai, o loo māua i faamaumauga sa molia muamua foi Rudolf Nauer i le fasioti tagata pa’ivalea (manslaughter).

Sa ioeina e Nauer moliaga o le avetaavale faatamala, faapea le leai o sona laisene avetaavale mamafa.

O le loli foi sa aafia i lea faalavelave, e lei pasiaina faaletulafono e fealuai i luga o alatetele.

O lenei mataupu e pei ona faamauina e le Faamasinoga, ua ma’ea ona faatino tulaga faaleaganuu, e ala i le tuuina atu o se tino i tupe e $18,000 tala, e fesoasoani ai i le aiga o lē ua maliu.

E lima tausaga sa amata mai ai le fua a le Faamasinoga, ae na toesea nisi masina i lona ioeina o le avetaavale faatamala ua mafua ai le maliu (guilty plea).

O lenei mataupu e pei ona faamauina e le Faamasinoga, ua ma’ea ona faatino tulaga faaleaganuu, e ala i le tuuina atu o se tino i tupe e $18,000 tala, e fesoasoani ai i le aiga o lē ua maliu.

Check these out at SOSĀ  Call šŸ“ž +685.21623

[starbox]