Faaulu le Tagi a se Tina e Faasaga i se Alii Leoleo

0
748

O loo faasolo suesuega a le Matagaluega o Leoleo i se tagi na faaulu atu e se tina e faasaga i se alii Malu o le Malo.

Na faamaonia mai lea tulaga e le Sui Komesina, le Afioga ia Leiataua Afamasaga Samuelu, a o ia tau aveina le taitaiga o le Matagaluega ao toesea le afioga ia Auapaau Logoitino Filipo, i se malaga mo atunuu mamao.

Na saunoa Leiataua, “O loo faagasolo suesuega a leoleo i lea mataupu, ma seiloga e faamaonia, ona faato’a se’e atu lea i le isi laasaga.”

O lenei mataupu na tulai mai i se vevesiga na tulai mai i Apia i luma o le Culture Centre lea ei tua atu o le Ofisa o le Pulega o Tagata Tafafao Maimoa mai Fafo.

O le vaega tietie uili vili-vae a le Matagaluega o Leoleo, sa latou oo atu i lea nofoaga e taofi se vevesiga na tulai mai i le va o nisi o le mamalu o le atunuu.

Peitai, o se tasi o Malu o le Malo sa ia taofia ma uuina le ua o se tasi o tina mai tua o ia. Sa fiti ma tulei ese e lea tina le leoleo, ma tulai mai ai loa se vevesiga i le va o lea tina ma le alii leoleo.

O se ata video na pueina ma faasalalauina i luga o le Facebook, o loo molimauina ai le faaoolima o le leoleo i le tina, ina ua tulei e le tina le leoleo.

Sa vaaia i le ata le paū ese o le pulou o le leoleo ina ua tulei e lea tina.

O loo tālia le suesuega a leoleo i lenei mataupu, ae na saunoa manino Leiataua, e tutusa uma tagata i le tulafono.

“O le mamalu lautele o le atunuu, faapea Malu o le Malo..”

Public Notices from UTOS: