Faasala i le $3000 mo le Aumaia o Oloa Faasaina o le Aisa

0
9079

O se alii sa galue i le Matagaluega o Tiute, sa faamaonia moliaga e lua o le aumaia o oloa faasaina (importation of prohibited goods) i totonu o Samoa, ua tuuina atu iai se faasalaga tupe e $3000 tala.

O Pueleo Sefululua Peseta, na faamaonia e le faamasinoga moliaga e lua faasaga ia te ia, i lona aumaia lea o oloa faasaina i totonu le atunuu.

O le Tulafono o Tiute o loo iai le soligatulafono o le aumaia o oloa faasaina lea sa molia ai Peseta, ae leai se soligatulafono faatau tonu mo le aumaia o fualaau faasaina.

Sa molimau se tasi o Sui Pule o le Tiute, o le igoa o Pueleo Peseta sa tuuina mai i le faamomoli lea sa maua atu ai fualaau faasaina o le aisa.

Ae sa aumai le faamomoli ia Siaosi Mataio.

Sa teena malosi e Peseta lona iloa o se tagata e igoa ia Siaosi Mataio, ma ia teena ai lona silafia o lenei faamomoli ma fualaau faasaina na tuuina mai ai.

Methamphetamine and quality grade cannabis found in cereal boxes imported from USA.

O le faavae tonu lena o le faaiuga o le Faamasinoga, ina ua taliaina e le’i iloa e Peseta se mea e tasi i le faamomoli.

I le faaiuga a lana afioga ia Loau Donald Kerslake, o loo tuuina mai ai:

“E $1,500 le moliaga e tasi, o le tau atoa o ia moliaga e $3,000 tala, ma e tatau ona totogi i totonu o le 14 aso..

“Afai e leai, o le a nofo sala i le toese mo le 6 masina.”

O Peseta o se tasi sa galue i le Matagaluega o Tiute mo le fā tausaga ae lei moliaina o ia i le amataga o le 2021.

O Tesema 2020 ma Ianuari 2022 na maua ai i luga o le uafu se pusa oloa meaai o loo nana ai i totonu le pauta o le aisa.

O se faamomoli na aumai i Amerika i tagata e suafa ia Siaosi Mataio, ae o loo tusia ai le suafa Peseta Pueleo, mai Vailele.

E ui ina teena e Peseta lea pusa oloa na te leiloina poo ai Siaosi Mataio, peitai, i taualumaga o lea mataupu, sa faailoa ai e se sui o le kamupani vaa o le Transam, na agai atu Peseta ma totogi se seleni mo le aveina i tua o lea faamomoli.

O le tamaitai loia ia Fuifui Ioane na tulai mo le itu a leoleo ae o le tamaitai loia ia Lucy Sio Ofoia na tulai mo Peseta Pueleo.