Faailoa e STA Faafiafiaga e Faaiu ai nei Tausaga ma Faafeiloai ai le Tausaga Fou 2024

0
625

Ua faailoa e le Komiti o Tapenaga faafiafiaga faaiu o lenei tausaga, ae o sasa foi e faafeiloai ai le tausaga fou, 2024.

O le Aso 20 o le masina nei o le faatino ai se savali (Parade) mai i luma o le moata o le Ofisa Tineimu, e agai i luma o le Moata o le Malo.

O le a auai nisi o matagaluega o le Malo, o au masii Samoa i taaloga o le Pasefikia lea na faia i Solomona, o nisi o faalapotopoga, ae maise o le a malaga mai i lea solo le tama o le kerisimasi (santa claus) e tufatufa ai nisi o meaalofa i autafa o le alatele.

O loo fuafua mai lea solo ma le faamoemoe e taunuu mai ua amata ona pogipogi, ma le faamoemoe e faaola ai moli kerisimasi.

O pesepesega a le Kerisimasi o le a tatala lea e le aufaipese o le Matagaluega o Turisi, ma le faamoemoe e saunoa ai le le saunoaga autu e le Afioga i le tamaitai palemia, Fiame Naomi.

E na o le lua po o le a faatino ai nei faamoemoe. O le Aso 20 ma le Aso 21.

O aso foi nei e lua ua maea faataoto ai le fuafuaga o le Komiti e faatino maketi o taumafa ma soo se oloa mea taulima faapea soo se laei.

O le po o le Aso Sa, le Aso 31 o Tesema, lea ua faatulaga o le a faalogoina ai mea faapapa (Fireworks) mai i luga o se vaa o le a iai i luga o le aloalo o le tala fatai o Apia.

Na faailoa foi e le komiti, o le po lava lea e tasi o lea a faatino ai foi meafaapapa i Siufaga i Sava. O le a faia lea faamoemoe i luma o le Amoa Beach Resort.

O nei taumafaiga uma o le faafeiloai atu lea i le tausaga 2024.

Ua tatalo mai le komiti, e tauala mai le sui o le pulega tagata tafafao maimoa mai, Fanaea Natu Tauleao, i le atunuu e aumai aiga, uo ma e soo se tasi tatou te molimauina faafiafiaga e taualuga ai lenei tausaga.