O le vaiaso nei e taunuu mai ai se faufautua faapitoa mai Ausetalia e saili poo fea tonu ni nofoaga, e ao ona faapipii ai mea pue ata e mata’itu ai nisi o soligatulafono o loo tutupu i le taulaga.
I se faatalatalanoaga ma le Komesina o Leoleo, Auapaau Logoitino Filipo, na ia saunoa ai, o le taunuu mai o lea sui mai Ausetali ei lalo lea o tatou faigapa’aga masani.
“O le a galulue faatasi ai le Matagaluega, ina ia saili poo fea tonu hot spots areas, e mafai ona faatutu ai cameras mo le faafaigofieina o galuega a le Matagaluega”.
“O nei camera o le a link sao mai lava i totonu o le ofisa autu e monitor atu ai.”
Na tā’ua e le Komesina o Leoleo, o le tāua o lea taumafaiga, ona ua matauina le siitia o le tulaga tau soligatulafono o le gaoi faapea le talepe fale ua iai nei i Samoa.
“E le gata ina faatino i le po ae faapea foi le ao i nofoaga tu taulaga o loo iai pulega mamalu a Alii ma Faipule.”
O le tasi metotia o loo ua agai atu iai le Matagaluega i le taimi nei, o le fa’aoga lea o taavale e lē o ni taavale a le Matagaluega, e mataitu ai faiga faasolitulafono.
E 20 ni tagi sa tuuina atu i le ofisa o leoleo i totonu o le lua vaiaso talu ai, sa mafai ona foia ina ua fa’aoga e le matagaluega taavale e lē o makaina i le igoa pe lē o lomiaina ai foi se faailo a leoleo (unmarked cars).
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
