Aveesea Mataupu tau Sauaga i Totonu o Aiga Mai le Ofisa o le Loia Sili

0
497

O le aso muamua o Setema o le a amata ai ona tauave e leoleo mataupu tau sauaga i totonu o aiga i luma o le Faamasinoga.

Visit SOS at Togafuafua or Salelologa. Call 📞 +685.21623

Na faamaonia mai lea tulaga e le Komesina o le Matagaluega Leoleo, Auapaau Logoitino Filipo.

Saunoa Auapaau, “Ua uma ona faailoa i le Ofisa o le Loia Sili le popolega a le Matagaluega o Leoleo, o le maitau mai o le atunuu, faapea tatou pa’aga o atunuu i fafo, o le faatino e leoleo suesuega, toe ō foi lea o leoleo e tauave le mataupu o sauaga i totonu o aiga i luma o le faamasinoga..

“E iai lava le masalosaloga i finagalo le atunuu, peitai, ua tapena lava iai leoleo mo le faatinoga o lea tiute.”

Saunoa foi Auapaau, o loo faatino lava e le Vaega o le Domestic Violence Unit a leoleo suesuega ma tuuina atu i le Ofisa o le Loia Sili i le taimi nei.

Check out SSABs Teuila Specials!

Ae o le fesuiaiga o le a faatino, e mafua ona o le lē lava o le aufaigaluega a le Ofisa a le Loia Sili.

O le taimi nei, o loo tauave e leoleo mataupu tau sauaga i totonu aiga i luma o le Faamasinoga Faaitumalo (district court) ae o mataupu i le Faamasinoga Maualuga (Supreme Court) o loo tauave e loia o le Ofisa o le Loia Sili.

Ae afai e faatino loa le suiga, o le a tauave uma loa e leoleo mataupu tau sauaga i Faamasinoga una e lua, ae le toe tuuina atu i le Ofisa o le Loia Sili.

Na taumafai atu se avanoa mo le loia sili le afioga Su’a Hellene Wallwork peitai na saunoa le tamaitai failautusi e leo o maua se avanoa.

Available at Le Well

E le o mautinoa mai le Ofisa o le Loia Sili pe aofia ai ma sauaga tau feusuaiga (sexual violence) o loo aafia ai le anoano ma le toatele o fanau teine a Samoa. E le o mautinoa foi pe aofia ai ma sauaga e pei o le faaoolima tuga (grevious bodily harm) ma le taumafai lea e faaoo le oti (attempted murder) poo le faaoo foi o le oti e pei ona tulai mai i totonu o sauaga i le va o ulugalii (intimate partner violence).

I se suesuega sa faatinoina i le tausaga 2018 (National Inquiry into Family Violence) na faamaonia ai le faatuputupulaia pea o sauaga i totonu o aiga o loo aafia ai tina ma tamaitai.

O le 90 pasene (9 out of 10) o tamaitai i totonu o Samoa, sa latou lipotia le aafia ai o i latou i sauaga. E silia mai le 80 pasene (4 in 5) e aafia i sauaga mai a latou paaga poo taitoalua (intimate partner violence). Sa latou lipotia e tele ina kakikiki, tapō, titiga pe taina fo’i i latou i ni laupapa poo uamea.

ae 20 pasene (1 in 5) sa latou lipotia le faamalosi o i latou e nisi lava latou te masani pe aiga iai (rape and incest).

Public Notices / Faasalalauga Faalauaitele