Leai se Tupe e Totogi ai le Pasese: Faaaoga loa le Tamai Naifi e Faaoolima ai i le Ua o le Ave Taavale

"Ua leai loa se pasese faaaoga loa se agaese e faaoolima ai i le ua o le ave taavale"

0
4498

E ogaoga manuaga i le ua o se ave taavale la’u pasese na mafua mai ina ia faaaogaina e lana pasese se tamai naifi e tui ai lona ua (sei tulou).

O loo taofia nei le falemai i Motootua mo togafitiga se ave taxi e 49 tausaga, lea sa aafia i lenei faalavelave i le Aso Faraile 19 Ianuari, e pei ona faamaonia mai e le Sui Komesina o Leoleo.

Saunoa le afioga iā Papalii Monalisa Tiai Keti, o se talavou mai le afioaga o Vaitele e na o le 16 ona tausaga sa ia faatinoa lea faaoogalima.

Sa malaga i le taavale laupasese laititi (taxi), ae ina ua leai se tupe e totogi ai lona pasese, sa ia osofaia ai loa le ave taavale, ae ua oo lena o le taxi i Tuanaimato…”

Saunoa Papalii ina ua latalata i le nofoaga sa faamoemoe e nofo ai, ae ia faia loa se faaoogalima i le ua o le ave taavale, e faaaoga iai se tamai naifi.

Tā’ua e Papalii na afea e le taxi le ofisa o le SASNOC i Tuanaimato, ma sulu atu iai mo se fesoasoani.

O nisi mai lea nofoaga sa latou pu’eina le talavou ma taofia loa, ae logo le Matagaluega o Leoleo.

Saunoa Papalii sa latou āmia se isi o matua o lea alii, sei oo atu i le Matagaluega e faatalatalanoa lenei gaioiga matuiā ua faia e lenei talavou.

Ua molia nei le talavou i le Faaolima ma le faaaogaina o se aupega matautia.

O le masina o Fepuari o le a tula’i ai lenei talavou e tali atu i ona moliaga.

Avanoa Faigaluega i le Pulega o Uafu ma Vaa