E $10k sefulu afe tala se meaalofa tupe ua foai e le faletupe a le ANZ mo le Sosaiete o le Kanesa i Samoa (Samoa Cancer Society).
O le amataga o lenei vaiaso na tauaao ai e le alii pule o le ANZ i Apia, le Susuga Suucharu Tandom, se foai mo taumafaiga ma faalauiloa a le sosaiete o le kanesa i samoa.
Saunoa Sucharu, o le autu o lenei taumafaiga ua faaigoaina o le “Together We Make A Difference” ua manatu ai le aufaigaluega a le faletupe e fesoasoani i taumafaiga e pei ona faataua ai lenei masina ‘Pinktober’.
Saunoa Sucharu e tatou ona tatou tutu faatasi e fai se suiga, ma ia tatou taumafai e faaitiitia ma tetee atu i le faama’i o le kanesa.”
O le Afioga i le Minisita o le Soifua Maloloina, Valasi Tafito Toomaga Selesele, sa fai ma saunoaga autu.
“O le Pinktober, o le masina mo tagatanuu ma faalapotopotoga uma e omai e tutu faatasi ia fai se suiga, o aoaoga, o sailiga tupe (fundraising) ma soo se auala e faalauiloa ai ma siitia le silafia o tagata i lenei lava gasegase o le kanesa.”
O le Peresetene o le Sosaiete o le Kanesa i Samoa nei, le Afioga ia Su’a John Ryan, na saunoa e faafetaia le foai ma le faigapaaga ma le faletupe.
O le foai seleni ua amata mea ai le masina lanu piniki (Pinktober) mo taumafaiga e siitia le silafia o tagatanuu o Samoa i lenei faamai.
O le Sosaiete e nafa ma le faalauiloaina o itu uma o le kanesa ae maise o le agai atu o le mamalu o le atunuu e faatino vave siaki (early detection). O le vave ona maua o le kanesa, e mafai ai ona faatino nisi o togafitiga ua iai.
- “O se meaalofa mo si o’u tamā ua fai’ilagi lana folauga, ma si o’u tinā sa tapua’i ma loimata” - December 1, 2023
- USD$500 ua Faasalaina ai Samoa Airways e le Malo o Amerika Samoa i le Mataupu a le Faipule Salega 1 - November 30, 2023
- Faamaonia Moliaga a se Alii sa Faigaluega i Le Ofisa o Tiute i Lona Aumaia o Fualaau Faasaina i Totonu o le Atunuu - November 30, 2023
