Sa maua le palolo i le motu tele i Salafai. Sa lipotia mai na faamanuiaina nisi o afioaga e pei o Safotu, Falealupo – Fagalima, faapea ma Sasina.
O le molimau a se tasi tamā mai Safotu, sa faamanuiaina lava i latou sa o i vaa, ae tau le tetele mo i latou sa savalia le aau.
E tai $50 tala ofu palolo a le tasi tamā mai le afioga o Sasina. Sa oo mai i Fagamalo lo latou sā e faatau ai a latou ofu palolo.
Sa mafai ona paū i le $40 tala i le ofu palolo ina ua ofo atu se tasi fai pisinisi, e faatau uma a latou ofu e 11 sa iai.
O nisi o le mamalu o le atunuu sa faatau a latou palolo i fagu ma pakete, e tai $900 ma le $1000 tala.
O Soavaa Sefo ma le tausi ia Maua sa usu i le vaveao nei ma nai o la alo e toafa. E lei tetele le palolo e pei o nisi o tausaga ua te’a.
Ae sa maua se pakete e $900 tala. O lena pakete e tusa ma le 23 ofu palolo na maua ai. Afai e faatusa i le $40 tala i le ofu e maua ai le $920 tala.
O se tasi o faatauga palolo o ni taulelea mai Salelologa e $600 sa amata mai ai le fagu e 1.5 lita. Peitai sa mafai ona faatau e se tasi tamā mai Upolu mo le $500 tala.
O loo lipotia mai sa maua foi palolo i Falealupo ma Falelima.
O Fagamalo ma Lelepa sa toatele le mamalu o le atunuu sa asia ae peitai, sa vaivai i lea itu o le motu le i’a.
E pei ona faasalalauina mai e le Ofisa o Vaaitau – Samoa Met Office – o le Aso 5 ma le Aso 6 o Novema 2023.
- Vailoa Hit and Run Accused was Arrested in Maali Street Drug Bust of December 2021 - October 26, 2023
- Palolo 2023: Ta’i $50 i le Ofu, ae ta’i $500-$1000 i Fagu Eseese - October 7, 2023
- Lefagaoalii: One Matai Appears in Supreme Court, Prosecutors Yet to Finalise Charges - September 27, 2023
