Tusia: Pesetā Tusiga Taofiga
O lenei vaiaso, ua toe ulufale aloā’ia ai le afioga iā Tuiā Pu’a Fuatogi Letoa i le Palemene o Samoa, ma ua fa’atautōina o le Faipule mo le Itumālō Palota o Safata #2 i le fa’amalu a le Vaega Fa’a’upufai a le Fa’atuatua i le Atua Samoa ua Tasi [F.A.S.T.].
E le gata i lea, ae na fofogaina aloā’ia ai fo’i e le afioga i le Palemia, Susuga i le La’aulialemalietoa Leuatea Polāta’ivao Fosi Schmidt le tofia o Tuiā ma Minisitā Lagolago mo le Fono Aoao Faitulafono a Samoa fa’apea le Ofisa o le Komesina o Sulufa’iga, e lagolagosua i le afioga i le Minisitā iā Tea To’oala Peato.
O Tuiā na ulufale i le Palemene i le Nofoā’iga Lona XVIII lenei, i le fu’a a le Vaega Fa’a’upufai e Puipuia Aiātatau a Tagata [H.R.P.P.], peita’i ua finagalo lona Itumālō ina ia aga’i e lagolago i le Faigāmālō Filifilia – F.A.S.T. auā se manuia mo lona Itumālō.
Na fa’amavae mai le Palemene, ma toe fo’i ai i le Faigā Palota La’itiiti a Safata #2, ma toe tusi ‘ā’ao i ai lona Itumālō na te fa’aauauina le tofi Faipule i lenei Paeā’iga.
Ata Pu’eina: Leaosā Fa’aifo Fa’aifo.
- Justice Alalatoa Rosella Papalii Receives Distinguished Alumni Award - October 11, 2026
- Samoa Wins Best Host Country Recognition at Miss Global - October 9, 2026
- ‘Ia Manumalo’: Signature Choir Releases New Anthem - October 9, 2026
