Toe Tofia Muliagatele Masoe Makelita Tufuga-Matafeo ma Pule Sili o le ACC

0
174

SO’O’UPU A LE MĀLŌ. Ua fa’amaonia e le Kapeneta i lana Fonotaga i lenei vaiaso, le toe tofia ai o le Afioga iā Muliagatele Masoe Makelita Tufuga-Matafeo e avea ma Ofisa Sili o Pulega mo le Fa’alapotopotoga o Taui mo Fa’alavelave Fa’afuase’i (ACC) mo le isi tolu tausaga.

O lenei tamāli’i ua 58 tausaga o le soifua, e silia ma le 20 tausaga o tautua mo le Fa’alapotopotoga o Taui mo Fa’alavelave Fa’afuase’i.

Ua 9 nei tausaga o ia tau’aveina tofiga o le Ofisa Sili o Pulega mo lea Fa’alapotopotoga Tumā’oti a le Mālō.

O Muliagatele o se tinā mai le afio’aga o Aleisā ma Samalae’ulu, e galue malosi ma tautua fa’amaoni, ma ua loa fo’i lona silafia i le fa’atinoga o tiute ma matāfaioi tau’ave mo lea tofiga tāua o le Mālō.

O lo’o ia uumia fa’ailoga tauāloa o le Bachelor of Business (Accounting) mai le Iunivesite a La Trobe i Ausetalia.

O le toe tofiaina ai o Muliagatele Masoe, ua 4 ai lea o ana nofoā’iga ta’itolu tausaga mo le tofiga o le Ofisa Sili o Pulega mo le ACC.

Ata Pueina – Malo o Samoa (Leaosa Faaifo Faaifo).