“O lagona o le popole, lē mautonu ma le fefe o loo faalogoina i le taimi nei”

0
3730

“O lagona o le popole, lē mautonu ma le fefe o loo matou faalogoina i le taimi nei”.

O le saunoaga lea a le tinā iā Esther Kitiona i le faalavelave na aafia ai si ana tama o Lisati, 21 tausaga, ina ua fa’amanu’alia i se pulufana i le po o le Aso Toanai na te’a nei.

E le’i maua e leoleo poo ai sa malaga atu i  totonu o se taavale, ma faaaogaina ai se laau malosi sa fa’amanualia ai Lisati i lena po.

Ae o le talosaga a le tinā i le vasega o le au Tusitala, e fiafia e talanoa mai, ae le’i manao e faailoa le ata o si ana tama ona o puipuiga e le’i maua e sa o atu i le taavale.

Sa talia e le Samoa Global News ma le TV1 lea talosaga, peitai, ua faali le faanoanoa a le tina ia Esther ina ua sau le ata o Lisati i luga o le Samoa Observer.

“Sa ioe mai le teine na sau, ae faateia a’u ina ua faamatala e si a’u tama, ua uma ona pue lona ata, ae e faaaoga mo a latou faamaumauga.”

Saunoa le tinā ia Eseta,  luma tonu lava o le latou fale i talane o le falesa Metotisi o Sinamoga, sa faalogoina ai le pā o le fana.

Maua nei i le SOS Togafuafua ma Salelologa Ph: 21623

I lena tami, na te lē o iloaina se mafuaaga ae na te lē o iloaina foi o loo lavea ai si ana tama.

“Na faateia a’u ina ua tuitui mai le faitotoa i lenā po, ma ou iloa ai o si a’u tama o loo lavea i le laau malosi lea sa faapā..”

“Sa faanatinati atu ai loa i le falemai i Motootua i lena po, pe tusa lea o le te’a o le sefulu tasi..”

Best coffee in town! Coffee Roaster and Coffee Roaster 2 at Tamaligi.

O le molimau a le atalii sa fa’amanualia i le pulufana, e pasi ane se taavale lanu uliuli o loo latou sāvavali atu i autafa o le auala ma nisi lava o talavou o le latou nuu.

Sa faasoa mai Lisati i lau Samoa Global News, sa latou lagona mamao mai lava le alamū atu o le taavale i o latou tua.

“Sa maoae le saoasaoa tele o le taavale, lea matou te faalogo atu o loo agai mai i matou tua..

“Na faafua ai loa e le isi alii se togi aga’i i le taavale, ona o le saoasaoa.. na ia faatagā togi atu aga’i i le taavale..

“E le’i iai se maa i lona lima… ae na o le faafua lava o lona lima aga’i le taavale lea e alamu atu ma le saoasaoa tele.”

O le molimau a Lisati, na pasi le taavale ma tu loa i luma o i latou, e tusa ma le 50 mita le latou vā.

O le kolosi (pedestrian crossing) tonu lea i talane o le sign Digicel, lea sa tu mai ai le taavale, ma faapa mai ai se fana i le sāvalivaliga a talavou.

“Ou te le’i i vaai i se isi o alu i fafo ma le taavale, peitai, na ou te’i i le pa o le fana ma ou lavea ai…

“Na ou saofai i autafa o le auala ae ua toe alu lena o le taavale.”

O le molimau a ē sa iai, e tusa ai fo’i ma le faasalalauga a leoleo, o le taavale ituaiga Toyota Vanguard, ae amata le laisene taavale i le R5..

O le afiafi o le Aso Gafua na toe te’a ai i tua lenei talavou. O le agaga faafetai i Le Atua ona ua faasolosolo manuia manuaga.

Samoa is the Home of Taula.

Sa faailoa e ia, o luga tonu ifo lava o lona tuli lea na aafia i le pulufana ae ua lucky foi o le see o le pulufana i le aano mafiafia o lona ogavae.

O le a tausavali Lisati ma lona tinā i le falemai e sui fusiga o lona manuaga.

Faailoa e le tina, ua ia fautuaina lana tama e aua nei toe fealuai i le po, poo le ao foi, ona o lea ua faasalalau e nisi o ala ata faasalalau foliga o lana tama.

“Mo le puipuiga o lona saogalemu, ona o lea e le’i maua lava poo ai i latou nei..”

Tā’ua fo’i e le tinā, o Lisati o se tasi o loo faamoemoe iai lo latou aiga, i lana taleni o le elei.

Faasalalauga Tāua mai le BSP Bank

 

Faasalalauga Tāua mai le nbs