Toe Tofia le Pule Sili o le SLAC mo le isi 3 Tausaga

0
806

SO’O’UPU A LE MĀLŌ: Ua fa’ai’ugāfonoina e le Kapeneta i lana Fonotaga i lenei vaiaso, le toe tofia o le tinā iā Heseti Sione – Va’ai, na te tau’aveina le tofiga o le Ofisa Sili o Pulega mo le Fa’alapotopotoga o Inisiua Tau Soifua a Samoa (Samoa Life Assurance Corporation – S.L.A.C.) mo le isi tolu tausaga.

O Heseti ua silia ma le 30 tausaga o lana tautua mo le Mālō, o le 1991 na amata tautua ai i le Ofisa o le Su’etusi Sili a le Mālō (Audit Office) mo le 6 tausaga, ona soso’o ai lea ma le Pulega o le Suāvai mo le 23 o tausaga, a’o le’i tofia e avea ma Ofisa Sili o Pulega mo le S.L.A.C. i le 2020.

Sa a’oa’oina i le Kolisi o Samoa, o le Iunivesite Aoao o Samoa (N.U.S.), ma o lo’o ia umia fa’ailoa tauāloa o le Bachelor of Arts; Majoring in Accounting & Financial Management & Minor in Economics mai le Iunivesite a le Pasefika i Saute i Fiti fa’apea ai ma le Diploma in Business mai le Iunivesite o Feso’otā’iga a Aukilani i Niu Sila.

O le lua ai lea o paeā’iga soso’o ta’itolu tausaga a Heseti i lenei tofiga tāua o le Mālō.