Toe Amata Tuipuipui mo le Fanau Laiti
1
0
(OFISA OLE SO’OUPU); O le masina o Aperila o le a toe faagasolo ai e le Matagaluega o le Soifua Maloloina le polokalame o tui puipui mo le fanau iti e pei ona faamaonia mai i le asõ e le Ofisa Sili o le Matagaluega o le Soifua Maloloina Leausa Dr. Take Naseri.
E pei ona silafia na taofia lenei polokalame ina ua tulai mai se mataupu i le tausaga ua mavae lea na maliliu ai ni fanau laiti se toalua i Savaii ma sa masalomia o tui puipuia le mafuaaga lea na fano ai nei alualu toto.
Peitai taua e Leausa i le maea ai o suesuega ua faamaonia ai e lē o vailaau o tui puipuia sa faia ma o loo saogalemu pea nei tui mo le fanau.
I le taimi nei e toalua ni tamaitai tausi soifua o loo molia nei ile tulafono e mafua mai i lenei mataupu.
(1)
