Ua taunu’u manuia le faigāmalaga a le afioga i le Palemia, Susuga i le La’aulialemalietoa Leuatea Polāta’ivao Fosi Schmidt ma lona Faletua iā Tauānu’ufaigā Tupea Heather Schmidt i laufanua o Tutuila ma Manu’a.
O le i ai o le Palemia i Amerika Samoa, ua fai ma Sui o Samoa aoao, e auai i Toe Sauniga Fa’aleMālō o le afioga iā Lolo Matalasi Moliga, ua tu’umālō, ma momoli ai fa’amaisega ma fa’amafanafanaga mai o tatou tagatānu’u i nai o tatou uso ā tuāoi, i le amia ai e le Atua o se tasi o Ta’ita’i iloga i Tutuila ma Manu’a.
O le Tōfā i le To’oto’o iā Lolo Matalasi Moliga, o se tamāli’i na se’ei i le tofiga o le Kovana Sili o Amerika Samoa mai le tausaga e 2013 i le 2021.
O ona Toe Sauniga Fa’aleMālō o le ā fa’ataunu’uina lea i le Malumalu Tapua’i o le E.F.K.A.S. i Kanana Fou.
Ata Pu’eina: Mālō o Samoa [Vaitogi Asuisui Matafeo]
- Lalaga le Vā Unites more than 300 Urban Community Leaders Against Drugs and Violence - September 8, 2026
- Keith Smith Officially Accredited as Canada’s High Commissioner to Samoa - September 1, 2026
- Diesel and Kerosene Prices Rise in September - September 1, 2026
