O le auai atu ai o le afioga i le Palemia o le Mālō Tuto’atasi o Samoa, Susuga i le La’aulialemalietoa Leuatea Polāta’ivao Fosi Schmidt ma lona Faletua le afioga iā Tauānu’ufaigā Tupea Heather Schmidt i le maliu o le afioga iā Lolo Matalasi Moliga i Amerika Samoa, na fa’atino ai tu ma aganu’u fa’aSamoa, e ala i le Si’i Fa’aaloalo ma le Fa’amanusina a Samoa aoao i le tu’umālō ai, o lē sa avea ma Kovana Sili o Amerika Samoa i tausaga ua mavae.
O le fa’amanusinaina o le fa’aaloalo mauāluga a Samoa, na fofogaina lea e le Konesula o Samoa i Tutuila ma Manu’a, le afioga iā Fata Leausa Brian Kaio, e molimolita’i ai se tapenaga a Ta’ita’i o Samoa, e fa’afetaia ai le tautua matavela a lenei tamāli’i iloga i ‘upufai o Mālō.
O le afioga i le Faletua iā Cynthis Moliga ma ‘āiga na lua, na fesaga’i ma le afioga i le Palemia o Samoa ma lona Faletua fa’apea le Konesula o Samoa i Amerika Samoa, e pale feagai ai le fa’aaloalo mauāluga a Samoa Tuto’atasi mo le afioga iā Lolo Matalasi Moliga.
Ua pine fa’amau i lenei va’aiga, le tumau pea o le so’otaga vāvālalata ma le mafanafana o Samoa na lua.
O le asō, na faia ai ona Toe Sauniga Fa’aleMālō.
Ata Pu’eina: Mālō o Samoa [Vaitogi Asuisui Matafeo]
- Lalaga le Vā Unites more than 300 Urban Community Leaders Against Drugs and Violence - September 8, 2026
- Keith Smith Officially Accredited as Canada’s High Commissioner to Samoa - September 1, 2026
- Diesel and Kerosene Prices Rise in September - September 1, 2026
