O le asō, Aso Toona’i 25 Oketopa sa faapaiaina ai ma tatala aloaia le faleoloa fou o le Frankie Supermarket i Siusega.
Sa molimauina le fa’atumulia o le mamalu o le atunu’u, ae maise o le au valaaulia.
Na mamalu le faatasiga i le faatasi atu o le afioga i le Sui Palemia poo le Minisita o Tupe le afioga ia Mulipola Anarosa Ale Molioo, sa fai ma malō faapitoa (special guest).
O le Susuga i le fa’afeagaia ia Rev. Falemaii Ropati sa ia taitaia le sauniga lotu ma le fa’apaiaina o le aso ma le tatalaina aloaia o le faleoloa fou.
O le afioga i le Sui Palemia ia Mulipola Anarosa Ale Molioo sa ia ootia le lipine faatasi ai ma le tamā ia Tafili Fa’alogo Vevesi.
Na maea loa le faapaiaina o le faleoloa fou, ona tatalaina loa lea o le auaunaga mo le mamalu o le atunuu i le itula e 1 i le aoauli nei.
Na amata mai le Frankie Samoa i se faleoloa e tasi sa faatuina i Lalovaea i le tausaga 1999.
O lea ua 26 tausaga o le auaunaga o le Frankie Samoa, ma ua lauiloa i Samoa atoa mo lana auaunaga i le atunuu.
O lea ua lata i le 20 faleoloa i Samoa atoa, e aofia ai Upolu ma Savaii.
Ua mafai fo’i ona oka mai e aiga .ai fafo oloa i luga o upega tafailagi i website a le Frankie Samoa: www.frankiesamoa.com
O le anavatau a le Frankie Samoa – e le malolo le aufaigaluega i auala e momoli ai le auaunaga pito sili ona maualuga mo tagatanuu Samoa: “We never rest to bring you the best”.
Always Frankie, Always Better.
- Tumau Tuia Pu’a Fuatogi Letoa i le Nofoa o Safata 2: Teena le Talosaga a Leleua - October 9, 2026
- Tuia Retains Safata 2 Seat as Court Dismisses Bribery Petition - October 9, 2026
- Greenology and MDF Team Up to Put Solar Within Reach of More Families - October 8, 2026
