Tala o le Tau a Samoa B07

0
159

FA’AMATALAGA O UIGA LOULOUĀ O LE TAU NUMERA FITU (B07) MO LAUFANUA MA GATAIFALE O SAMOA.

FA’AMAUINA E LE OFISA O LE VA’AI-TAU I LE ITULA E 5:00 I LE AFIAFI NEI ASO LULU 09 TESEMA 2020

 

FA’AMALOSIA: LAPATA’IGA O TIMUGA MAMAFA.
FA’AMALOSIA: LAPATA’IGA MO ‘OGASAMI.
FA’AMALOSIA: LAPATA’IGA MO SAVILI MALOLOSI.
FA’AMALOSIA: LAPATA’IGA MO LOLOGA.

 

O se vaega o fetaia’iga o savili ma timuga e feso’ota’i atu i Ta’aviliga Vaivai o Savili 01F o lo’o iai pea i luga o Samoa ma sa ‘aumaia timuga mamafa fa’apea savili e malosi le fa’ata’utau mai i Mātū o le Atunu’u pei ona va’aia i ata satelite o le aoauli nei. O lenei vaega o fetaia’iga o savili ma timuga o le’a a’afia ai pea le Atunu’u i le po nei ma o le’a fa’amoemoe e aga’i atu i Sisifo o le Atunu’u i le aso ā taeao. O Ta’aviliga Vaivai o Savili 01F o lo’o ta’oto i Matu-i-Sisifo o Savai’i ma o le a tumau pea ona aga’i mamao ese atu i Sisifo o le Atunu’u i le po a nanei. O LAPATA’IGA UMA E PEI ONA TU’UINA ATU O LO’O FA’AMALOSIA PEA mo le Atunu’u se’ia o’o i le aso ā taeao.

 

A’afiaga mo le Atunu’u:

E puaoa ma malolosi le fa’ata’uta’u o savili i timuga, e mase’ese’e ma puaoa auala i nofoaga maualuluga, ma e lolovaia nofoaga i tafāala ma e ono iai lologa ma ele’ele solo. E matua sousou ma a’ave au le sami.

(O le isi fa’amatalaga o uīga loulouā o le tau ole‘ā tu’uina atu i le itula e 5:00 i le vaveao.)