Siitaga o le Tau o le Suauu mo Aukuso 2021
Ua fa’alauiloa mai e le Afioga i le Minisita o Tupe, Afioga ia Mulipola Anarosa Ale Molio’o tau fou o le suau’u e afua atu ile Aso 1 Aukuso 2021.
Na saunoa le Afioga ile Minisita o le a si’itia le tau o le penisini i le 8.82 sene mai le $2.68 i le $2.78 sene ile lita, ole tiso olea siitia ile 8.96 sene mai le $2.56 i le $2.65 i le lita, ma le karasini o le a si’itia i le 7.48 sene mai le $2.20 ile $2.28 sene.
O le tau i le maketi mo oloa tau suau’u mo le masina o Aukuso 2021, o lo’o fa’atulagaina mai i le tau ole suau’u i Sigapoa ile masina o Iuni 2021. O le a faa’auau pea ona si’itia le tau mo suau’u le fa’amamaina ona o taiala mai i Atunu’u e gaosia ma tufatufaina le suau’u (OPEC), ina ia taofia le so’ona fa’atauina tusa lava pe si’itia lona manaomia. Ma ua iai foi se fuafuaga ale OPEC ina ia si’itia le gaosia o oloa tau suau’u ile lumanai.
A faatusatusa i atunuu i fafo e pei o Niu Sila, Ausetalia ma Fiti, ua amata lava ona see atu i le maualuga le tulaga ua oo iai le tau o le suauu i Samoa nei.
(8)
