Poloketi Miliona: Faasaini Maliega Muamua ma Maliega Lona Lua e Faamatuu atu ai Tupe mo le Atinaeina o Itumalo

0
2019

Ofisa o le Sooupu, Malo o Samoa 6 Tesema 2022. O le Aso Faraile na mavae atu nei sa faasolo ai le faamatuuina atu o le Poloketi Miliona a le Malo lea e atofaina auā le atiinaeina o nuu ma alalafaga i Samoa atoa.

E 12 Itumalo sa fa’asaini a latou Maliega Tau Tupe muamua (#1) ma mafai ai loa ona tuuina atu a latou seleni mo le galueina o polokalame atiinae.

Sa auai atu taitai poo Peresitene foi o Fonofaavae o Itumalo e faamalamalama aiaiga o le faamanuiaga tau tupe, e pei ona tuuina mai i le Paketi o le Malo Samoa (Government Budget) lea e tuuina atu ai le $1 miliona tala mo Itumalo Faapalota e 51.

Nisi o sui o Fonofaavae sa auai atu e faasaini maliega.

O itumalo e 12 ua sainia nei a latou Maliega Muamua e aofia ai:

1. Fonofaavae Itumalo Faasaleleaga 3
2. Fonofaavae Itumalo Gagaemauga 1
3. Fonofaavae Itumalo Vaimauga 2
4. Fonofaavae Itumalo Faleata 2
5. Fonofaavae Itumalo Gagaemauga 2
6. Fonofaavae Itumalo Faasaleleaga 4
7. Fonofaavae Itumalo Falealili 2
8. Fonofaavae Itumalo Palauli 3
9. Fonofaavae Itumalo Falealili 1
10. Fonofaavae Itumalo Falealupo
11. Fonofaavae Itumalo Palauli 1
12. Fonofaavae Itumalo Palauli 2

Available now at Le Well, Savalalo.

E iva Itumalo sa oo atu a latou Fonofaavae e fa’asaini a latou Maliega Tau Tupe lona lua (#2) mo le Poloketi Miliona, lea sa faataunuuina i le Aso Lua, 06 Tesema 2022.

O Itumalo ua sainia ma tuuina atu a latou vaega tupe lona lua e aofia ai:

1. Fonofaavae Itumalo Safata 2
2. Fonofaavae Itumalo Faleata 1
3. Fonofaavae Itumalo Satupaitea
4. Fonofaavae Itumalo Aana Alofi 3
5. Fonofaavae Itumalo Vaisigano 1
6. Fonofaavae Itumalo Sagaga 2
7. Fonofaavae Itumalo Sagaga 4
8. Fonofaavae Itumalo Aana Alofi 1
9. Fonofaavae Itumalo Aleipata Itupa i Luga

O le Minisita o Tina ma Tamaitai, Atiinae o Nuu ma Afioaga, Hon Leota Laki Sio faapea le Minisita o Tupe, Hon Mulipola Anarosa Ale Mulipoa sa auai ai mo lea faamoemoe, ma sainia maliega mo le Malo o Samoa.