Maliu lē sa avea ma Satini i le Ofisa Leoleo i Fagamalo ao Tālia lona Faasalaga i luma o le Faamasinoga

0
1098

Ua faamaonia mai e leoleo le maliu o se tasi sa galue o se Satini i le ofisa o leoleo i Fagamalo ae o loo tālia le fofogaina o lona faasalaga i le Faamasinoga Maualuga.

O Reupena Oloapu o se Satini sa ia vaaia le Ofisa o Leleo i Fagamalo, ua faamaonia mai e le Komesina o le Matagaluega o Leoleo, ua maliu o ia.

Check these out at SOS Togafuafua and Salelologa.

O Fepuari o le tausaga 2021 sa tulai mai ai lenei soligatulafono i le ofisa o leoleo i Fagamalo ao vaai e Oloapu le ofisa.

Na molia Oloapu i moliaga e tolu o le taumafai e faatino ni gaioiga feusuaiga fai faamalosi i se isi tamaitai leoleo.

Na umi se taimi o tolopoina le mataupu, ona sa tula’i mai i le taimi tonu o le faigapalota tele, lea sa faamuamua ai e le faamasinoga mataupu tau palota ma le faavae (constitutional and political crisis).

Sa faamaonia e le Faamasinoga moliaga ma faatulaga mai ai le Aso 7 o Iuni 2024 e fofogaina ai le faasalaga.

Saunoa Auapaau, “O loo faagasolo iai suesuega a le Matagaluega i le mafuaaga o le maliu, ae o loo masalomia o se vailaau oona sa ia tagofia.”