Iugafono a le Kapeneta i Lasaaga Fou o le Vavao 11 Fepuari 2022

0
808

 

12 Fepuari 2022, Apia Samoa, Faasalalauga a le Ofisa o le Sooupu, Cabinet Secretariat. 

TEUTEUGA O LE POLOAGA O FA’ALAVELAVE TUTUPU FA’AFUASEI (KOVITI-19): 11 Fepuari 2022.

IUGAFONO A LE KAPENETA:  LAASAGA FOU O LE VAVAO PE A MAE’A LE PIRIOTA O VAVAO O LOO IAI NEI – Aso 11 Fepuari 2022.

I lana Fonotaga FK(22) Faapitoa 09 o le Aso Faraile 11 Fepuari 2022, na talanoaina ai e le Kapeneta le Pepa PK(22)105 ma faamaonia ai e faapea:

  1. Le iai nei o Samoa i le Laasaga Muamua (1) lanu samasama mo lapataiga o le faama’i o le Koviti19 faatasi ma ona teuteuga. O nei teuteuga ua faatinoina e fua i luga o iuga o siaki (test results) sa faatino mo le aufaigaluega muaau i le mae’a ai o le faafitu ona fai a latou suega ma e lei alia’e le siama i se tasi o i latou faatasi ma i latou e 31 ua aafia i le siama ae toafa ua manuia.  O isi gasegase ua faasolo ina vaivai le siama ma o loo malolosi pea.
  2. O nei teuteuga o le a talatala ai nisi o vaega o le vavao ma e amata faamamaluina mai le 6:00 i le afiafi o le Aso Faraile 11 Fepuari 2022 faatasi ai ma vaega ua taua i lalo:
  1. Le taofia o faigamalaga faavaomalo (vaalele ma vaa laupasese) sei vagana ua iai se faamaoniga a le Kapeneta
  1. Le tausisia o puipuiga faasoifua maloloina i taimi uma (fufulu mama lima, faaaoga tali fofoga, tu ma le nofo vāvā i nofoaga faitele;
  2. i) Le tatala o potopotoga i nofoaga faitele ae mata’itu pea le puipuiga lautele mo le faama’i;
  3. o) Le tatala o le feoai o tamaiti i lalo ifo o le 12 tausaga i nofoaga faitele;
  4. u) Le tatala o aoga uma ma taaloga i aiaiga ua uma ona faatulaga i le Laasaga Muamua (1);
  5. f) Le tatala o femalagaiga i le sami ma le laueleele i taimi faatulagaina masani i aso uma o le vaiaso e aofia ai ma le Aso Sa
  6. g) Le tatala o taelega i le sami ma vaitafe i aso uma o le vaiaso ae faatoa tatala i le 12:00 i le aoauli i le Aso Sa;
  7. l) Le tapu o taaloga faitupe sei vagana ai Bingo mai le Aso Gafua i le Aso Toonai mai le 6:00 i le taeao i le 11 i le po ma le Casino mai le Aso Gafua i le Aso Toonai i taimi ua faatulagaina i le Laasaga 1.

Kamupani ma Pisinisi Tumaoti

  • Le tatala o faleava ma fale kalapu mai le Aso Gafua i le Aso Toonai i le 6:00 i le taeao i le 12:00 i le po; 
  • Le tatala o le faatauina o le ava malosi mai le Aso Gafua i le Aso Toonai i nofoaga ma faleoloa faatulafonoina mai le 6:00 i le taeao i le 12:00 i le po;
  • Le tatala o pa pia o faletalimalo mai le Aso Gafua i le Aso Toonai mai le 6:00 i le taeao i le 12:00 i le po, mo nā o malo o alala i faletalimalo ma e faatagaina le Aso Sa;
  • Le tatala o isi faafiafiaga i faletalimalo;
  • E tatala faleaiga mo taumafataga (eat in) ma le aveina (takeaway) mai le Aso Gafua i le Aso Toonai i le 6:00 i le taeao i le 10:00 i le po;
  • Le tatala o maketi, faleoloa laiti supamaketi ma isi Pisinisi uma:
  • Le tatala o faleoloa, maketi, supamaketi ma isi uma maketi o agai iai le atunuu mai le Aso Gafua i le Aso Toonai mai le 6:00 i le taeao i le 10:00 i le po;
  • Le tatala o falei’a ma le maketi o fua o faaeleeleaga mai le Aso Gafua i le Aso Toonai i le 6:00 i le taeao i le 8:00 i le po;

Mo le Aso Sa

  • E tatala maketi o i’a ma isi maketi uma mai le 4:00 i le taeao i le 9:00 i le taeao
  • Supamaketi ma faleoloa laiti, pamu penisini ma fale talavai (private) e tatala i le 12:00 i le aoauli i le 10:00 i le po
  • E tatala faleaiga mo taumafataga mai le 12:00 i le aoauli
  • Ua faataga tagata lautele ona taumamafa i faletalimalo i Aso Sa mai le 12:00 i le aoauli i le 10:00 i le po
  • E tapu ona faatau le ava malosi sei vagana ai malo o loo api i faletalimalo
  •  Le tatala o le faatau savali o oloa i le taulaga ma magaala, ae tapu mo tamaiti e i lalo ifo o le 16 tausaga le matutua, ma e ao ona tausisia uma poloaiga faalesoifua maloloina
  • Le tatala o auaunaga mo falema’i mo nā o i latou lava e gasegase. E toatasi le tausima’i i le gasegase ma e tapulaa i le nā o le toalua e mafai ona asiasi i se gasegase i soo se taimi;
  • Le faamalosia o tuiga mo i latou e lei faia lava ni tui puipui o le Koviti19, o i latou e lei mae’a tui e aofia ma alo ma fanau i le va o le 12 ma le 18 tausaga;
Prep for Valentine’s Day @SOS Togafuafua Call (685) 21623.

Le amata faatino loa o tuiga mo alo ma fanau i le va o le 5 ma le 11 tausaga le matutua pe a taunuu mai le vailaau mo tamaiti. 

Land for Sale @Kaisara Real Estate. Call (685) 7270178.

Le amata faamamaluina o nei suiga i le Aso Faraile 11 Fepuari 2022 i le itula e 6:00 i le afiafi. 

E faatumauina pea isi aiaiga o Poloaiga o Faalavelave Tutupu Faafuase’i na mua’i tuuina atu.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.