Ua tuuina mai e le Faamasinoga se faasalaga falepuipui mo se tamaitai sa ia ioeina moliaga o lona to’esea o seleni mai le faletupe faamomoli o le Western Union, faapea le auaunaga a le falemeli (Samoa Post).
O le tamaitai o Faititili Taifau Otineru, 23 tausaga ua faasala nei I le falepuipui mo le tolu masina, ina ua faamaonia moliaga o le gaoi ao avea ma tagata faigaluega (theft as servant).
I faamaumauga a le itu a leoleo, e $3,915 le seleni a le faletupe o le Western Union na aafia, ae mo le Falemeli e $5,873 le seleni na to’esea, ma o le aofai o le tupe sa ia ioeina na ia avea, e $9,788.
E lua tausaga na amata mai ai le fua a le faamasinoga, peitai, na toesea le 21 masina ona o lona ioeina o moliaga atoa ma le tuu avanoa iai o le faamasinoga ona e talavou lona soifua.
Ua manatu ai le Faamasinoga e telē se avanoa e mafai ai ona toe faasa’osa’o lona olaga.
O se maota e iai auaunaga nei, i se ofisa i Tuasivi, Savaii – lea na tulai mai ai lenei soligatulafono.
E faatupulaia pea mataupu tau gaoi ao fai ma tagata faigaluega (theft as a servant) o loo matauina i luma o Faamasinoga a Samoa, ae fulisia lava le aafia ai o tinā ma tamaitai i lenei soligatulafono.
- Faatonuina le Minisita Lagolago o Leoleo ma Falepuipui e Faamavae Mai - November 28, 2023
- Numera 1 Sauaga i Totonu o Aiga i lo se isi lava Soligatulafono i Totonu o Samoa - November 26, 2023
- Faaulu se Tagi a Levi Saleimoa i le Ofisa o Sulufaiga - November 25, 2023
