Fai e le Pue Ata (Video Analyst) a le Lakapi Samoa Amioga lē Talafeagai i se Tamaitai Taalo

0
5226

O se sui a le Lakapi Samoa sa malaga ma le au lakapi a le Manusina i le latou tour o Oketopa 2023, sa ia faia ni amioga lē talafeagai i se tasi o tamaitai taalo.

I se faatalanoaga ma le Pule Sili a le Lakapi Samoa, le afioga iā Faleomavaega Vincent Fepuleai, na faamaonia mai ai, o se alii sa avea ma pue ata suesue (video analyst) mo le Pulega a le ‘au, lea sa aafia i tuuaiga.

Saunoa Faleomavaega, o loo faaauau pea ona galue lenei alii, ae ua le toe iai se avanoa e toe fai ai ma se tasi o le Pulega a le Manusina.

“O se faaseā na tuuina mai e le Pulega a le Manusina i le Lakapi Samoa, lea na faasolo ai loa suesuega, ma faamaonia ai le tuuaiga i amioga le lelei sa ia faatinoina i se tasi o le au ta’alo.”

Butterfly Tops. Call us on +685.7790054 and Visit our store at Savalalo and Follow us on Facebook.

Na faaalia e se tasi o tamaitai taalo o le au lakapi sa auai ai i le taimi na tulai mai ai lenei faafitauli, o le vaitau ao iai le au lakapi a le Manu Sina i Aferika i Saute i le masina o Oketopa 2023.

“Sa ia lafoina ni meli tusitusia i se tasi o tamaitai o le au, ma oo ai lava ina agai i le potu sa faamautu ai lea tamaitai”.

Na faaleo e lea tamaitai i le Pulega amioga lē taupulea a lea alii, na mafua ai loa ona faaulu mai se faaseā a le Pulega o le Manu Sina, agai i le ofisa tutotonu o le Lakapi Samoa i Tuanaimato, lea e faigaluega tumau ai lē sa tu’uaia.

O le Pulega a le Manu Sina e toatele ina nonofo mau i Niu Sila, ae o le pue ata poo le video analyst ua aafia, e faigaluega tumau o ia i le Lakapi Samoa.

SOS Togafuafua ma Salelologa Tel: (685) 21623

Saunoa le Pule Sili, ua poloaiina e le Pulega a le Lakapi Samoa lea alii, le tatau ona ia faatoese i le tamaitai sa aafia, ma agai atu e aoaoina i ni polokalame a le Lakapi Samoa mo amioga ina ia suia (behaviour change programs).

Avanoa Faigaluega

E maua pepa apalai i luga o le Upega Tafailagi a le Pulega o Uafu ma Vaa. Fesootai Christina Puipuia mo nisi faamatalaga: christina@spasamoa.ws