Faateia lē sa avea ma Pule Sili o le NPF ina ua lē Faamanuiaina lana Tusi Talosaga

0
163

“E maualuluga o’u tusi pasi ma faailoga na tuuina atu faatasi ma lau tusi talosaga, peitai, e faateia a’u ina ua faailoa mai e lē faamanuiaina la’u tusi talosaga.”

O se lagona lea o le afioga ia Pauli Prince Suhren ina ua maua se avanoa e faatalanoa ai e le Samoa Global News.

Tā’ua e Pauli, sa faateia o ia i le oo atu o se tusi e faailoa atu ai lona lē agavaa mo le sailiga o se Ofisa Sili a le NPF.

O le afioga ia Pauli sa tofia na te tauaveina le tofi Pule Sili o le NPF i le tausaga 2017. Ina ua maea le tolu tausaga o lana auaunaga, sa toe apalai ai foi mo le avanoa ma toe tofia ai ia Aperila 2020 mo le isi tolu tausaga faaopoopo.

Saunoa Pauli, “Sa ou toe talosaga mo le avanoa Ofisa Sili mo le Faalapotopotoga o Tupe mo Saofaga, ona e tele lava ni galuega sa amatalia ma fofoa mai le taimi a’o tulai mai, e fia faaauau, aemaise o lo’u tulaga faataitaifono i Faalapotopotoga o Saofaga i le Pasefika (Pacific Island Forum).”

Saunoa Pauli, o le tuufaatasiga o tupe a le NPF e mafai ona faafaigaluega (invest) mo isi poloketi tetele, o vaega ia ua uma ona faataatitia auala e manuia ai le au fai saofaga a si o tatou atunuu, atoa ai ma le tele o vaega na manatu e fia faatū mo se taimi muamua (new initiatives) e manuia ai le aufai saofaga.

Avanoa faigaluega i le Pulega o Uafu (SPA).

“Atoa ai ma le faatinoga o nisi nonogatupe ma faamanuiaga mo le aufai saofaga faapea i latou ua mālōlō ma litaea mai galuega, faapea le tele lava o isi vaega..”

“Peitai, ia, e leai sē fai loto, e pule lava le Malo, ua le toe mananao ia te au.”

Saunoa Pauli, ua ono nei tausaga o ia tauaveina mai le tofiga, ma e tele foi ni matāti’a na mafai ona ausia e pei ona lomia i ripoti faaletausaga (annual report).

* 2017 – $37 miliona se tupe faasili a le SNPF

* 2021 – $87 miliona tupe faasili i lea tausaga

Feau tāua mai le Samoa Business Hub

“Ae o Aperila 2023, ou te nofo mai ua uma lau konekarate, e $63 miliona le tupe faasili, ae lei uma le tausaga lea sa maua ai se faasiliga e $1.1b (piliona).

“E faatusa atu i le 1972 agai le 2017, o loo iai faamaumauga ou te sau a’u i totonu na o le $600 miliona aseta a le NPF o loo iai…”

“O se faailoa lea e faamaonia ai le manuia o taumafaiga ma galuega ao o’u tulai mai.”

Na momoli le faafetai a Pauli i le paia ma le mamalu o le atunuu mo le faatuatuaga mai le ono tausaga sa galulue ma lagolagoina ai e le au fai saofaga.

Ae le gata i lea sa ia faafetaia le Matagaluega atoa poo lona aiga NPF, i tausaga e tele sa latou mafuta ai.

“Faafetai faafetai tele, o le faanoanoaga ua lē maua se taimi e fai ai se tatou tala ma faamavae ai.”

“Na momoli foi le saunoaga faa amuia a Pauli, poo ai lava se isi o le a tulai mai e avea ma Ofisa Sili.

“Ia faamoemoe i Le Atua e aumaia le poto, ma ia manuia tele ou faiva.”

E talitonu Pauli, e tapuni le isi faitotoa ae matala le isi faitotoa, e faatali pea i Le Atua ma lona finagalo poo fea se isi mea e faa’aoga iai lona auauna faatauvaa.

Sa tā’ua e se tasi o ACEO, e toavalu nisi sa tuuina atu tusi apalai ina ua tapunia le avanoa, ae na o le afioga lava ia Pauli na tuu ese pe lē taliaina lana tusi apalai mo le faaauauina (short listing), e aunoa ma se mafuaaga na tuuina mai.

Pauli Prince Suhren 

Pauli holds a Master of Business and Information Technology (MBIT) from Bond University in Australia complemented by a a Bachelor of Business and Information Management, (BBIM) double major in Accounting and IT Management.

He also graduated with Bachelor of Business and Information Management, (BBIM) double major in Accounting and IT Management.

A former Financial System Administrator and Manager of Special Projects with SamoaTel, Pauli served as ACEO with the Development Bank before appointed as SNPF Chief Executive in 2017.

He is married to Mrs Nowotta Ulberg Suhren