Faaopoopo le Toafa ua Aafia i le Koviti 19 i Totonu o le Nofoaga Faanofoesea

0
42

PEPA O FAAMATALAGA- Aso 10 Mati 2022.

FAAOPOOPO LE TOAFA (4) O I LATOU UA AAFIA I LE KOVITI 19 I TOTONU O NOFOAGA FAANOFOESEA

O ananafi, Aso Lulu, 9 Mati 2022, sa faatino ai suega lona lua o le pasese sa taunuu mai i Aukilani i le Aso Sa, 6 Mati 2022. I nei suega sa maua ai e toafa (4) nisi o le pasese ua aafia i le siama o le Koviti.

O le tasi o i latou sa nofo latalata i se tasi o le pasese e toavalu (8) na na muai faamaonia ua aafia i le siama o le Koviti 19, i uluai suega na faia i le Aso Sa, i le taunuu mai ai o le malaga.

Ua faasee uma atu le toafa o i latou ua aafia i nofoaga faanofoesea i Motootua e mataituina ai.

O le isi vaega o le pasese, atoa ai ma le 127 o le aufaigaluega na muaau i le taunuu mai o le vaalele i le Aso Sa, o loo manuia uma a latou suega na faatino ananafi. Ua siitia ai i le 12 pasese ua aafia i le siama talu mai le Aso Sa. O loo malolosi uma i latou, ma e leai ni auga ua aliae mai.

Maea