3 Aukuso 2026, Apia, Samoa – Ua faamaonia le faamavaega a le afioga ia Papali’i John Taimalelagi Afele mai lona tofiga o le Sui Tuto’atasi o le Komiti Fa’afoe a le Lakapi Samoa.
O Papalii sa filifilia (appointed) o se Sui Tutoatasi, ona o lona tomai faapitoa i mataupu tau tulafono (legal background).
Sa faamaonia mai e Papalii i le Samoa Global News, o le asō Aso Gafua 3 Aukuso sa ia tuuina atu ai lana faamavaega aloaia.
O lana tusi faamavae sa tuuina atu i le Peresitene poo le Taitaifono lē tumau (Interim Chair) o le Lakapi Samoa, le afioga Namulauulu Sami Leota.
I lana tusi, na ia faaalia ai lona agaga faafetai i le avanoa sa ia auauna ai i le Komiti Fa’afoe i lona tomai faa-loia, auā le faamalosia o pulega lelei ma le atina’eina o le Lakapi Samoa.
O Papali’i John o se loia sinia i Samoa, ma o loo avea foi o ia ma Ofisa Sili (CEO) o le Matagaluega o Faamasinoga ma le Faafoeina o Tulaga tau Faamasinoga (MJCA).
O ia fo’i o se sui iloga o le kalapu lakapi a Sapapali’i, ma o ia foi o le Faatonu o le Taamilosaga (Tournament Director) lo le Sapapali’i International 7s, lea e faaletausaga ma malaga atu iai le toatele o kalapu i le motu tele i Salafai.
Faatoa lua tausaga talu ona tofia o ia i le Komiti Fa’afoe a le Lakapi Samoa, e avea ma se tasi o sui tuto’atasi.
E toatolu sui tuto’atasi a le Komiti Faatonu (Board) e tusa ai ma le Faavae a Lakapi Samoa.
E tusa ai ma le Faavae o le Lakapi Samoa, e tatau ona iai ni sui tuto’atasi e tofia ona o latou tomai faapitoa i vaega e tolu: tomai tau Tausitusi (finance), tomai tau pisinisi (commercial) ma tomai faapitoa i mataupu tau tulafono (legal), lea sa tofia ai Papali’i, i lona tomai faa-loia.
O loo sauni atu le World Rugby e faia se iloiloga tuto’atasi (independent review) i le feeseeseaiga o loo iai nei i le va o Lakapi Samoa ma le faalapotopotoga fou ua faaigoaina o le Samoa Rugby Footbal Union.
O le Samoa Rugby Football Union o loo ta’ita’ia e lē sa avea muamua ma sui o le Komiti Fa’afoe a le Lakapi Samoa, Matafeo George Latu.
Ao faatino le iloiloga a le World Rugby, o loo tula’i ese isi Sui o le Komiti Fa’afoe a le Lakapi Samoa, mai lo latou auai ai i le mataupu (recuse themselves), ina ia faamautinoa ai le tutoatasi o suesuega a le World Rugby.
E oo mai i le taimi na lomia ai lenei tala, e le’i iai se faamaoniga o le faamavaega a nisi sui o le Komiti Fa’afoe a le Lakapi Samoa, e ui ina tele nisi o faamatalaga o loo salalau i luga o upega tafailagi.
Ua tali mai Namulauulu Papalii Sami Leota, e lē moni lena tala, ua faamavae uma i latou.
“It is not true,” said Namulauulu. “We will issue a joint release soon, with World Rugby and Lakapi Samoa and Government..”
Job Opportunities at Farmer Joe & Ah Liki Wholesale
🌱 Join the Tanumapua Farm team! 🌿
We’re hiring hardworking and motivated Farm Workers to be part of our growing team. If you enjoy working outdoors and are ready for a rewarding opportunity, we’d love to hear from you!
📧 Send your application to:
info@ahliki.com or hr@ahliki.com
Apply today and grow with us! 🌱💚
- Maliu Maddy Kofe ina ua Mae‘a le Osofa‘iga a Leoleo i Sinamoga; Teena Tuua‘iga o le Faaoolima - August 30, 2026
- Boy, 13 at the time, Stands Trial Over Alleged Rape of 13-year-old Girl with Intellectual Disability - August 26, 2026
- Three Employees of the Ministry of Police Test Positive for Drugs - August 18, 2026
